Հիւսիսային Ամերիկայի հայ համայնքների հետ կապերի բաժին
- ՀՀ Սփիւռքի նախարարութեան աշխատակազմի Հիւսիսային Ամերիկայի հայ համայնքների հետ կապերի բաժինը մշակում է տեղեկատուական ծրագրեր Հիւսիսային Ամերիկայի հայ համայնքների մասին, առաջարկում է համագործակցութեան ծրագրեր Հայաստանի Հանրապետութեան եւ Հիւսիսային Ամերիկայի հայ համայնքների միջեւ, նպաստում է վերջիններիս իրականացմանը:
- Բաժնի գործունէութիւնն ընդգրկում է. Հայաստանի Հանրապետութիւնում եւ Հիւսիսային Ամերիկայի հայ համայնքներում մշակութային, կրթական, երիտասարդական, տնտեսական, մարզական հաւաքների, փառատօների, գիտաժողովների եւ այլ ոլորտների համատեղ միջոցառումների տարեկան ծրագրեր, ինչպէս նաեւ ապահովում է դրանց կազմակերպման եւ անցկացման հնարաւորութիւնները: Բաժնի հիմնական նպատակներից է Հիւսիսային Ամերիկայի հայկական Սփիւռքի մշակութային ժառանգութեան պահպանման եւ տարածման գործընթացի աջակցութիւնը:
- Բաժինը կազմակերպում է ինչպէս Հիւսիսային Ամերիկայի հայ համայնքների առանձին ներկայացուցիչների, այնպէս էլ վարչութեան անդամների փոխադարձ այցեր եւ ընդունելութիւններ, ապահովում է նրանց մասնակցութիւնը տարբեր հանդիպումներին եւ այլ միջոցառումներին, ինչպէս նաեւ ապահովում է Հիւսիսային Ամերիկայի հայ համայնքների առանձին ներկայացուցիչների, կազմակերպութիւնների եւ հաստատութիւնների ներգրաւումը հայկական ծրագրերին, աջակցում է նրանց ինտէգրմանը երկրի հասարակական, քաղաքական եւ տնտեսական կեանքին:
- Բաժինը ապահովում է մասնակցութիւնը իր ոլորտին առնչուող հրատապ եւ իրավիճակային գործընթացներին, նախապատրաստում իրաւական ակտերի նախագծէր, առաջարկութիւններ, եզրակացութիւններ եւ այլ փաստաթղթեր, ինչպէս նաեւ մշակում է վարչութեան գործառոյթներին համապատասխան ուղեցոյցեր: Այն ապահովում է իր գործունէութեան ոլորտին առնչուող նամակների, դիմումների, առաջարկութիւնների, բողոքների ժամանակին քննարկումը, կատարման հետեւողականութիւնն ու հսկումը, ինչպէս նաեւ բաժնի լիազօրութիւնների շրջանակներում նախապատրաստում է առաջարկութիւններ, տեղեկանքներ, հաշուետուութիւններ, միջնորդագրեր, զեկուցագրեր եւ այլ գրութիւններ:
