ՎԱՐԴԱՆ ԳՐԻԳՈՐԻ ՄԱՐԱՇԼԵԱՆ

Ծնուել է 1975 թուականի յուլիսի 8-ին, քաղաք Երեւանում: 

1992թ. աւարտել է Մոսկուայի թիւ 345 դպրոցը:

1997թ. աւարտել է ՌԴ կառավարութեանը կից ֆինանսական ակադեմիան` ստանալով «Համաշխարհային տնտեսագիտութիւն» որակաւորումը:

2000թ. աւարտել է Մոսկուայի պետական համալսարանի ասպիրանտուրան` ստանալով տնտեսական գիտութիւնների թեկնածուի գիտական աստիճան:

Թուով 8 գիտական աշխատութիւնների հեղինակ է:

1998-2009թթ. Մոսկուայի պետական համալսարանում հանդէս է եկել հեղինակային դասախօսութիւններով «Առեւտրի համաշխարհային կազմակերպութիւնը եւ միջազգային առեւտուրը», «Ոչ առեւտրային ծրագրերի ղեկավարման միջազգային փորձը», «Անշարժ գոյքի առեւտրային ծրագրերի ղեկավարում» թեմաներով:

1995-1998թթ. աշխատել է Ռուսաստանի բանկային համակարգում` որպէս ֆինանսական ակտիւների գործարքների գծով մասնագէտ:

1999-2000թթ. աշխատել է ՀՀ Էկոնոմիկայի նախարարի օգնական:

2000-2001թթ. աշխատել է «Մարդկային Զարգացման Միջազգային Կ'ենտրոն» ՀԿ փորձագէտ:

2001-2004թթ. աշխատել է Մեծ Բրիտանիայի Միջազգային զարգացման նախարարութեան տնտեսական քաղաքականութեան գծով փորձագէտ:

2004-2005թթ. աշխատել է «Սոգլասիէ» ՓԲԸ փոխնախագահ:

2005-2007թթ. աշխատել է բրիտանական «Նորման Ասսետ Մենեջմենտ» կազմակերպութեան տարածաշրջանային զարգացման ներկայացուցչութեան տնօրէն:

2007-2008թթ. աշխատել է «Պրոմսուեազբանկ» ՓԲԸ-ում` որպէս առեւտրային անշարժ գոյքի գործարքների վարչութեան պետ:

2008-2010թթ. աշխատել է «էր Սի Գրուպ» ՓԲԸ-ում` որպէս զարգացման ծրագրերի վարչութեան պետ:

Ազատ տիրապետում է անգլերէնին եւ ռուսերէնին:

Ամուսնացած է, ունի դուստր: