|Հայերեն |Հայերեն դաս. |English |Русский

Հիմնական էջ
Կայքի քարտէզ
Էլփոստ
Կապը մեզ հետ

Նորութիւններ

«Մեր նպատակը մեծ հայրենադարձութիւնն է, սփիւռքի ներուժը Հայաստանում կ'ենտրոնացնելը». ՀՀ վարչապետ Նիկոլ Փաշինեանն այցելեց սփիւռքի նախարարութիւն

Մայիսի 15-ին ՀՀ վարչապետ Նիկոլ Փաշինեանը սփիւռքի նախարարութիւնում ներկայացրեց նորանշանակ նախարար Մխիթար Հայրապետեանին: Հանդիպմանը ներկայ էր սփիւռքի նախկին նախարար Հրանոյշ Յակոբեանը:


Վարչապետը կարեւորեց սփիւռքի ներուժի ներգրաւման համար բաւարար պայմանների ստեղծումը: «Սփիւռքի հետ յարաբերակցութեան մեր գլխաւոր խնդիրըը, որ պէտք է դնենք, մեծ հայրենադարձութիւնն է: Դա ենթադրում է նաեւ կապիտալի, մտաւոր պոտենցիալի հայրենադարձութիւն: Պէտք է արձանագրենք այդ պրոցեսի ողջ բարդութիւնը, հայրենադարձութեան առաջին փուլում պէտք է ստեղծենք աշխատատեղեր, որպէսզի ապահովենք երկրորդ փուլում ոչ միայն վերադառնալը, այլեւ Հայաստանում ապրելու պայմանների գոյութիւնը:


Սփիւռքի հետ կապուած մէկ այլ խնդրի մասին պէտք է խօսեմ, որ իմ կարծիքով շատ հրատապ է: Այսօր Հայաստանի սահմանադրութեամբ սահմանուած են որոշ օրինագծեր, որոնք ըստ էութեան խոչընդոտում են սփիւռքի ներուժի ներգրաւումը պետական կառավարման համակարգում: Եւ յատկապէս, այս նոր իրավիճակում մենք պէտք է լրջօրէն մտածենք այդ խնդրի մասին, որը սահմանադրական խնդիր է եւ մէկ օրում չի լուծուի, բայց պէտք է հնարաւորինս արագ զբաղուենք այդ խնդրի լուծման ուղղութեամբ: Պէտք է փորձենք խնդրի լուծման այլընտրանքային տարբերակներ:


Սփիւռքի ներկայացուցիչները պէտք իրենց աւելի ու աւելի ինտէգրուած զգան Հայաստանում, պէտք է զգան, որ իրենց ձայնը լսելի է, պէտք է զգան իրենց լիարժէք շահառու եւ պոտենցիալ քաղաքացի: Եւ սփիւռքի նախարարութիւնը պէտք է ապահովի այդ դաշտը, այդ հարթակը, որը առանց չափազանցութեան ռազմավարական առաջնահերթութիւն է մեր կառավարութեան համար: Հայաստանի Հանրապետութեան կառավարութիւնը պէտք է ի վիճակի լինի իր շուրջ համախմբել ոչ միայն ՀՀ քաղաքացիներին, այլեւ սփիւռքի ներկայացուցիչներին: Արտագաղթի անիւը, որ հազար տարի պտտւում է, պէտք է փորձենք ետ պտտել եւ արտագաղթը վերածել ներգաղթի: Ես համոզուած եմ որ Հայաստանի Հանրապետութեան գոյութեան առանցքային իմաստը որպէս պետութիւն` հայութեան գիտական, մշակութային, տնտեսական ներուժը կամ նրա զգալի մասը սեփական տարածքում կենտրոնացնելը եւ այդ ներուժի անվտանգութիւնը եւ բնականոն զարգացումը ապահովելն է: Ահա Հայաստանի կառավարութեան գոյութեան իմաստը եւ ռազմավարութեան առանցքը»:


Դիմելով Հրանոյշ Յակոբեանին` վարչապետը շնորհակալութիւն յայտնեց նրան երկարամեայ արդիւնաւէտ աշխատանքի համար եւ շեշտեց. «Ըստ էութեան նախարարութեան հիմնադրման օրից նախարարն էք եղել, այս կառոյցը զրոյից էք ստեղծել եւ յոյս ունեմ, որ արդիւնաւէտ եւ գործունեայ կառոյց է ձեւաւորուել»:


Հրանոյշ Յակոբեանն իր հերթին, շնորհաւորեց նախարար Մխիթար Հայրապետեանի նշանակումը, ապա ծննդեան տարեդարձը` նշելով, որ նրան է յանձնում արդէն կայացած, մեծ աշխատանք ու բազում յաջող ծրագրեր իրականացրած նախարարութիւնը: Հրանոյշ Յակոբեանը ողջունեց երիտասարդ նախարարների ներգրաւումը կառավարութեան կազմում` նշելով, որ երիտասարդ տարիքը խոչընդոտ չի կարող հանդիսանալ լաւ աշխատանքի համար: Նա իր պատրաստակամութիւնը յայտնեց նախարարութեան աջակիցը դառնալու: «Թողնում եմ հարուստ տեղեկատուութիւն, մեծ կապեր ու յարաբերութիւններ, կայացած եւ գործուն թիմ, որը նոր նախարարի հետ պէտք է շարունակի կարեւոր ծրագրերը: Մաղթում եմ մեր նոր նախարարին եւ նախարարութեան աշխատակիցներին արդիւնաւէտ աշխատանք եւ յաջողութիւն», - յաւելեց նա:


Վարչապետը համոզմունք յայտնեց, որ սփիւռքի նորանշանակ նախարար Մխիթար Հայրապետեանը պատրաստ է նշուած խնդիրները ամենժամեայ, ամենօրեայ ռեժիմով լուծել:


Սփիւռքի նախարարը շնորհակալութիւն յայտնեց վստահութեան համար եւ յաւելեց. «Ուզում եմ շնորհակալութեան խօսք ասել տիկին Յակոբեանին նախարարութիւնը հիմնադրելու, հսկայական աշխատանքի համար եւ ուզում եմ ասել, որ ագահաբար կ\'օգտուեմ Ձեր թողած հարուստ ժառանգութիւնից: Շնորհակալութիւն օգնելու, աջակցելու պատրաստակամութեան համար: Սա պետութեանը, Հայրենիքին ծառայելու խնդիր է: Կարեւորում եմ սփիւռքի նախարարութեան գոյութիւնը, որովհետեւ մենք` որպէս պետութիւն ունենալով հզօրանալու, զարգանալու տեսլական, ի հարկէ, պէտք է լծուէնք հայրենադարձութիւն կազմակերպելու գործին: Եւ այս իմաստով, ես նաեւ ստանձնել եմ այս չափազանց կարեւոր ու պատասխանատու պաշտօնը, որովհետեւ ես ինքս ուզում եմ մի փոքր մասով մասնակից լինել այդ շատ կարեւոր առաքելութեանը»:

 

Կցուած նկարներ

  
  
  
 

Սպասւող իրադարձութիւններ

 
 

Շնորհաւորանքներ

 
 

Ելոյթներ

 
<<  2019  >> <<  Մայիս  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ՄՈՍԿՈՒԱՅԻ «Վերածնունդ» ՀԱՅԿԱԿԱՆ ԴՊՐՈՑԻ

ՏՆՕՐԷՆ ՏԻԿԻՆ ՇՈՂԻԿ ՓԱՀԼԵՒԱՆԵԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՒ ԾՆՈՂՆԵՐԻՆ


Մեծ սիրով եւ հպարտութեան զգացումով շնորհաւորում եմ Մոսկուայի «Վերածնունդ» դպրոցի 30-ամեայ յոբելեանը:

24.10.2017  |  Ելոյթներ

Գերապայծա՛ռ Տէր Լեւոն արքեպիսկոպոս Զեքիյեան,

Հոգեւոր Հայրեր,

Յարգարժա՛ն գիտնականներ, ներկանէր,


Շնորհաւորում եմ բոլորիս Սուրբ Ղազար կղզում Մխիթարեան միաբանութեան հաստատման 300-ամեայ յոբելեանի կապակցութեամբ, յոբելեան, որի մեկնարկը տրուեց այս տարուայ սեպտեմբերին Մխիթարեան միաբանութեան Մայրավանքում եւ այսօր էլ շարունակւում է Մայր հայրենիքում: