Հաճախ տրւող հարցեր

«Զինապարտութեան մասին» Հայաստանի Հանրապետութեան օրէնքի 31 յօդուածի` Հայաստանի Հանրապետութեան քաղաքացիութիւն ընդունած այլ պետութեան քաղաքացին ազատւում է պարտադիր զինուորական ծառայութիւնից, եթէ մինչեւ Հայաստանի Հանրապետութեան քաղաքացիութիւն ընդունելը ոչ պակաս, քան 12 ամիս ծառայել է այլ պետութեան զինուած ուժերում կամ այլ պետութիւնում ոչ պակաս, քան 18 ամիս անցել է այլընտրանքային զինուորական ծառայութիւն, բացառութեամբ Հայաստանի Հանրապետութեան կառավարութեան սահմանած պետութիւնների:

ՀՀ սփիւռքի նախարարութիւնը չի ստեղծուել Սփիւռքը կառավարելու համար: Այն, լինելով ՀՀ կառավարութեան մաս, բոլոր միջոցներով աշխատում է սփիւռքահայերի համար Հայաստանի Հանրապետութիւնում ստեղծել պայմաններ

Վերջերս դարձեալ ՀՀ սփիւռքի նախարարութեան նախաձեռնութեամբ փոփոխութիւն մտցուեց «Օտարերկրացիների մասին» ՀՀ օրէնքում: Ցաւալի է այն փաստը, որ մեր շատ հայրենակիցնէր իրենց Հայրենիքում համարւում են օտարերկրացիներ, քանի որ նրանք դեռեւս ձեռք չեն բերել երկքաղաքացիութիւն:

«Կրթութեան մասին» ՀՀ օրէնքում փոփոխութիւն կատարուեց եւ ջավախահայ ուսանողների ուսման վարձը հաւասարուեց ՀՀ քաղաքացիների ուսման վարձին:

Ինչ վերաբերում է սփիւռքահայ ուսանողների բժշկական օգնութեան եւ սպասարկման խնդիրներին, ապա այն բարձրացուեց Հանրապետութեան նախագահի առջեւ եւ այսօր նրա յանձնարարութեամբ եւ ՀՀ առողջապահութեան նախարարի հրամանով, այդ խնդիրներում եւս սփիւռքահայ եւ հայաստանցի ուսանողների իրաւունքները հաւասարեցուած են:

ՀՀ սփիւռքի նախարարութիւնը նախաձեռնել է նաեւ սփիւռքահայ ուսանողների խորհուրդների ստեղծում` ըստ երկրների: Սփիւռքահայ ուսանողները մեր դեսպաններն են Սփիւռքում: Որքան շատ նրանց հետ աշխատենք, այնքան նրանք աւելի յստակ կ'ընկալեն մեր քաղաքականութիւնը

Մաքսային օրէնքները շատ կարեւոր են, քանի որ այսօր արդէն գալիս են մարդիկ, որոնք մշտապէս ուզում են ապրել Հայաստանում: ՀՀ սփիւռքի նախարարութիւնը մշակում է հայրենադարձութեան  Հայեցակարգ եւ օրէնք, անկախ նրանից, թէ քանի սփիւռքահայ կը վերադառնայ ապրելու Հայրենիքում:

2008 թուականի ապրիլին, Սահմանադրական բարեփոխումներց յետոյ, երբ ընդունուեցին փոփոխութիւնները «Քաղաքացիութեան մասին» ՀՀ օրէնքում, Հայաստանի Հանրապետութիւնում ներդրուեց երկքաղաքացիութեան ինստիտուտը եւ մարդու անուան, հաշուառման, զինակոչման հետ կապուած խնդիրները, բոլոր կառուցակարգերը:

Երկքաղաքացիութեան ինստիտուտը մեր երկրում նորութիւն է եւ, բնականաբար, իւրաքանչիւր կառուցակարգ պահանջում է առաւել կատարելագործում, աւելի մեղմացում, պարզեցում: Դա չի արուել որեւէ մէկին անհանգստութիւն պատճառելու նպատակով:

Վերջերս, ՀՀ կառավարութեան որոշման համաձայն, այդ ժամանակահատուածը կրճատուել է: Դիմումը ներկայացնելուց յետոյ այն շրջանառութեան մէջ կը մտնի,  եւ մօտ չորս ամիս անց դիմումատուն տասն օրուայ ընթացքում կը ստանայ իր դիմումի պատասխանը, այսինքն` ողջ գործընթացը կտեւի չորսից հինգ ամիս: