ՀԱՄԱՀԱՅԿԱԿԱՆ, ՄԻՋԱԶԳԱՅԻՆ ԵՒ ԵԿԵՂԵՑԱԿԱՆ ԿԱՌՈՅՑՆԵՐԻ ՀԵՏ ԿԱՊԵՐԻ ՎԱՐՉՈՒԹԻՒՆ

Վարչութեան պետ` ԿԱՄՈ ԱՐԱՐԱՏԻ ՍԱՐԳՍԵԱՆ

Համահայկական եւ միջազգային կառոյցների հետ կապերի բաժին

Պետ` Լուսինե Աշոտի Ստեփանեան

Հայաստանյայց Առաքելական Սուրբ եկեղեցու եւ այլ հոգեւոր կառոյցների հետ կապերի բաժին
Պետ` Անահիտ Հովհաննեսի Դավթեան

Հեռ.` (010) 58-56-01 (1-15)
Էլ. փոստ` hmekv@mindiaspora.am

ՀՀ սփիւռքի նախարարութեան աշխատակազմի համահայկական, միջազգային եւ եկեղեցական կառոյցների հետ կապերի վարչութիւնը համակարգում է համագործակցութիւնը Հայաստանի Հանրապետութիւնում Հայ Առաքելական Սուրբ Եկեղեցու եւ սփիւռքի, միջազգային հոգեւոր կառոյցների հետ, Սփիւռքի հոգեւոր ոլորտում տեղի ունեցող իրադարձութիւնների հետազօտման ու վերլուծութեան աշխատանքները:

Վարչութիւնն իր նպատակների եւ խնդիրների իրականացման համար ՀՀ օրէնսդրութեամբ սահմանուած կարգով եւ նախարարութեան կանոնադրութեան համաձայն իրականացնում է հետեւեալ գործառոյթները`

-նախարարութեան այլ կ'առուցուածքային ստորաբաժանումների հետ համագործակցութեամբ` համահայկական, միջազգային եւ եկեղեցական կառոյցների վերաբերեալ ծրագրերի մշակում եւ հետազօտութիւնների իրականացում,

-սփիւռքի հայկական համայնքների, եկեղեցական թեմերի, կազմակերպութիւնների հետ համապատասխան բնագաւառում կապերի ձեւաւորում եւ համատեղ ծրագրերի կազմում,

-վարչութեան գործունէութեան ոլորտին առնչուող խնդիրների վերլուծութիւններով, ծրագրային առաջարկութիւնների հիման վրայ մասնակցութիւն տարեկան ծրագրային բիւջետաւորման գործընթացին,

-սփիւռքի հայկական համայնքների վերաբերեալ հետազօտութիւնների անցկացման,
վերլուծութեան, խնդիրների եւ կարիքների բացայայտման, ծրագրային առաջարկների ձեւաւորման շուրջ համապատասխան փաստաթղթերի կազմում եւ ներկայացում,

-նախարարութեան այլ վարչութիւնների հետ համատեղ` գաղթօջախներում քարոզչութեան ծրագրերի մշակում եւ իրականացում,

-Հայաստանեայց Առաքելական Սուրբ Եկեղեցու եւ Սփիւռքի հոգեւոր կառոյցների հետ սերտ կապերի եւ համագործակցութեան ապահովում,

-համահայկական, միջազգային եւ եկեղեցական կառոյցների ներկայացուցիչների ընդունելութեան, փոխադարձ այցերի, խնդիրների քննարկումների եւ ամփոփումների իրականացում,

-վարչութեան լիազօրութիւնների շրջանակներում համահայկական, միջազգային եւ եկեղեցական կառոյցների հայապահպան գործունէութեանը, մշակութային ժառանգութեան պահպանմանը, զարգացմանն ու տարածմանն աջակցում,

-վարչութեան առջեւ դրուած գործառոյթներից եւ խնդիրներից բխող իրաւական ակտերի նախագծերի, առաջարկութիւնների, եզրակացութիւնների, այլ փաստաթղթերի նախապատրաստում, ինչպէս նաեւ այդ խնդիրների վերաբերեալ մեթոդական պարզաբանումների եւ ուղեցոյցերի մշակման ապահովում:

Վարչութեան առաջիկայ ծրագրերը.

- Սփիւռքի հասարակական-քաղաքական կազմակերպութիւնների (կուսակցութիւններ, բարեգործական, մշակութային, կրթական եւ այլ կազմակերպութիւններ) եւ հոգեւոր կառոյցների (Հայաստանեայց Առաքելական Սուրբ Եկեղեցի, Հայ Կաթոլիկ Եկեղեցի եւ Հայ Աւետարանական Եկեղեցի) վերաբերեալ ուսումնասիրութիւնների իրականացում, համագործակցութեան ծրագրերի մշակում

- Սփիւռքում հայագիտական կենտրոնների, ամբիոնների գործունէութեան ուսումնասիրութիւն

- <Հայերն այսօր> էլեկտրօնային թերթին վարչութեան գործառոյթներին առնչուող եւ գործունէութիւնը լուսաբանող նիւթերի տրամադրում

- Սփիւռքի համայնքներում տեղի ունեցող յիշարժան իրադարձութիւնների վերաբերեալ տեղեկատուական նիւթերի հաւաքագրում եւ մշակում` <Հայկական Սփիւռք> 2010 տարեգրքի հրատարակման համար

- Սփիւռքի հայկական կառոյցների եւ անհատների վերաբերեալ տեղեկատուութեան համալրում եւ ամբողջացում

- Հայ մեծ բարերարների վերաբերեալ ուսումնասիրութիւնների իրականացում` Հայ բարերարների պատուոյ ճեմուղու հիմնադրման նպատակով

- Հայաստանի բուհերի սփիւռքահայ շրջանաւարտների հաւաքի կազմակերպական աշխատանքների իրականացում, <Ազգային խորհրդի> եւ այլ համահայկական կառոյցների ձեւաւորմանն ուղղուած աշխատանքներին մասնակցութիւն: