Լիլիա Ալեքսանդրի Մարկարովա

Ծնվել է 1982թ. դեկտեմբերի 15-ին:

1997-2001թթ. վարել է ԱՐԵԳ մանկապատանեկան հաղորդաշարը Հ1 հեռուստաալիքով, ինչպես նաեւ ռեպորտաժներ է գրել այդ հաղորդաշարի համար:

2001թ. ACTR/ACCELS ծրագրով հաղթող է ճանաչվել եւ մեկնել է մեկ տարով ԱՄՆ` Հեռուստալրագրողության դասընթացներին մասնակցելու նպատակով /2001-2002թթ./: Դասընթացներին զուգընթաց աշխատել է Վեստերվիլ քաղաքի WOCC-TV3 հեռուստաընկերությունում որպես հաղորդավար: 2002թ. ճանաչվել է տարվա լավագույն հաղորդավար:

2002-2005թթ. աշխատել է վավերագրական ֆիլմերի ստուդիայում` Երևանում: Պատասխանատու է եղել դրամաշնորհային առաջարկների նախապատրաստման, ստուդիայի կարճատև ու երկարատև մարկետինգային պլանների մշակման, պոտենցիալ պատվիրատուների ու լրատվական կազմակերպությունների հետ կապերի հաստատման ու տվյալների բազայի ստեղծման ու նորացման համար: Պարտականությունների մեջ էին մտնում նաև մարկետինգային հետազոտությունները, ռազմավարական պլանավորումը, մարկետինգային ու գովազդային քարոզարշավների կազմակերպումը:

Պատասխանատու է եղել նաև բազմաթիվ միջազգային պատվիրատուների հետ հարաբերությունների (ինչպես օրինակ ՄԱԿ, ԱՄՆ Դեսպանատուն, USAID, OXFAM, IOM և այլն) ու նրանց պատվերով զանգվածային լրատվության զանազան նախագծերի իրականացման համար:

2004թ. ավարտել է Վ. Բրյուսովի անվան Երևանի պետական լեզվաբանական համալսարանը հումանիտար գիտությունների բակալավր` երկրագիտություն և լեզուներ (անգլերեն և իտալերեն) մասնագիտությամբ:

2005-2006թթ. ավարտել է ԱՄՆ-ի Չիկագո քաղաքի Քըլամբիա քոլեջը մագիստրոսի կոչմամբ և զանգվածային լրատվության մենեջմենթ և մարկետինգ մասնագիտությամբ:

Վերջին ծառայության վայրը եղել է ամերիկյան US Pharmacopeia ընկերությունը (ԱՄՆ, Վաշինգտոն), որտեղ աշխատել է մարկետինգի բաժնում և պատասխանատու է եղել զանգվածային լրատվության տարբեր միջոցներով իրականացվող նախագծերի մարկետինգային քարոզարշավների իրականացման հետ կապված վարչական և ֆինանսական հարցերի, հանրության հետ կապերի և միջազգային կազմակերպությունների հետ աշխատանքի կոորդինացման համար:

Տիրապետում է անգլերեն, ռուսերեն լեզուների և ունի իտալերենի լավ իմացություն: