ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՓՅՈՒՌՔԻ ՆԱԽԱՐԱՐԻՆ ԿԻՑ

ՀԱՍԱՐԱԿԱԿԱՆ ԽՈՐՀՈՒՐԴ

 

Հայաստանի Հանրապետության սփյուռքի նախարարին կից հասարակական խորհուրդը ստեղծվել է Հայաստանի Հանրապետության կառավարության 2016 թվականի մարտի 31-ի N 337-Ն որոշմամբ:


Հասարակական խորհրդի աշխատակարգի օրինակելի ձևը հաստատվել է ՀՀ կառավարության 2015 թվականի նոյեմբերի 26-ի թիվ 52 արձանագրային որոշմամբ, որի հիման վրա Հայաստանի Հանրապետության սփյուռքի նախարարի 2016 թվականի ապրիլի 12-ի N82-Ա հրամանով հաստատվել է Հայաստանի Հանրապետության սփյուռքի նախարարին կից հասարակական խորհրդի աշխատակարգը: Համաձայն հասարակական խորհրդի աշխատակարգի՝ նախարարության պաշտոնական կայքում զետեղվել են ՀՀ սփյուռքի նախարարի հրամանով հաստատված դիմումի ձևերը, որոնք լրացվել են հասարակական խորհրդի կազմում ընդգրկվել ցանկացող հասարակական կազմակերպությունների և անհատների կողմից:


Ներկայացված դիմումները քննարկվել են նախարարությունում և հաշվի առնելով հասարակական կազմակերպությունների և անհատների գործունեության բնույթը, հիմնական ուղղությունները, Հայաստան-Սփյուռք գործակցության զարգացման ոլորտում մասնագիտական փորձառությունը, ոլորտին առնչվող ծրագրերի, հետազոտությունների, հրապարակումների առկայությունը, նախարարության կողմից ձևավորված աշխատանքային խմբերի և կազմակերպած գիտաժողովների, կլոր սեղանների մասնակցությունը, նրանք ընդգրկվել են Հայաստանի Հանրապետության սփյուռքի նախարարի 2016 թվականի ապրիլի 29-ի N103-Ա հրամանով ստեղծված նախարարին կից հասարակական խորհրդի կազմում:


Հասարակական խորհուրդը ՀՀ սփյուռքի նախարարին կից խորհրդակցական մարմին է: Խորհուրդը բաց քվեարկությամբ, ձայների մեծամասնությամբ կարող է ընդունել խորհրդատվական բնույթի որոշումներ: Խորհուրդն իր աշխատանքները կազմակերպում է նիստերի միջոցով, որոնք գումարվում են առնվազն երեք ամիսը մեկ անգամ:


Խորհրդի նպատակն է նախարարության առջև դրված խնդիրների և գործառույթների իրականաց­ման ընթացքում ապահովել քաղաքացիական հասարակության մասնակցությունը, ինչպես նաև աջակցել նախարարության առջև դրված խնդիրների ու գործառույթների առավել արդյունավետ իրականացմանը՝ ներկայացնելով առաջարկություններ և դիտողու­թյուններ նախարարության կողմից վարվող ընդհանուր քաղաքականության առավել արդյունավետ իրականացման վերաբերյալ:

 

Հայաստանի Հանրապետության սփյուռքի նախարարին կից հասարակական խորհուրդն ունի այն առանձնահատկությունը, որ բացի իր կազմում ընդգրկված հայաստանյան հասարակական կազմակերպություններից, զանգվածային լրատվության միջոցներից, ազգային փոքրամասնություններ ներկայացնող կազմակերպություններից, ինչպես նաև հեղինակավոր և ճանաչված անձանցից,  ընդգրկում է նաև սփյուռքյան կառույցներ և սփյուռքահայերի, մի հանգամանք, որը հնարավորություն է ընձեռում աշխարհի բոլոր անկյուններում գտնվող հայերին ավելի տեղեկացված լինել Հայաստանի Հանրապետության սփյուռքի նախարարության գործունեությանը, քննարկել իրականացվող ծրագրերը և դրանց արդյունավետությունը: Հայաստանում մշտապես չբնակվող խորհրդի անդամ սփյուռքահայերը կարող են մասնակցել խորհրդի նիստերին հեռակա կարգով` քննարկվող հարցերի վերաբերյալ համացանցի միջոցով ուղարկելով իրենց առաջարկություններն ու դիտողությունները, ինչպես նաև հեռակոնֆերանսների միջոցով:


Երկու տարին մեկ անգամ Խորհրդի անդամների մեկ երրորդը ենթարկվում է ռոտացիայի:  Ռոտացիայի արդյունքում Խորհրդի կազմից դուրս եկած անդամը կարող է Խորհրդում ընդգրկվելու նպատակով դիմում ներկայացնել Խորհրդի կազմից դուրս գալուց միայն երկու տարի անց:


Խորհրդի գործունեության հետ կապված հարցերով կարող եք դիմել հետեւյալ հասցեով` ք.Երեւան, Վազգեն Սարգսյան փ.3, զանգահարել (374) (010) 58-56-01 (802) (010)58-91-57 հեռախոսահամարներով, կամ գրել մեզ min_diaspora@yahoo.com էլ. հասցեով:

Կցված նյութեր`

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Փետրվար  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28

ՀՐԱՇԱՄԱՆՈՒԿ ԱԼԵՔՍԱՆԴՐ ԲԵՅԼԵՐՅԱՆԻՆ


Բա´րև, հրա´շք փոքրիկ,

Սիրով ու ջերմությամբ եմ շնորհավորում քեզ «Բոլորից լավը» հաղորդմանը քո ունեցած փայլուն մասնակցության  և հաղթանակի առիթով:

27.01.2017  |  Ելույթներ

Հունվարի 27-ին ՀՀ սփյուռքի նախարարությունում տեղի ունեցավ Հայոց բանակի օրվան նվիրված հանդիսավոր ցերեկույթ՝ հայրենադարձ ազատամարտիկների, սփյուռքահայ ներկա զինծառայողների, պետական պաշտոնյաների, Համահայկական կառույցների երևանյան գրասենյակների, ինչպես նաև սիրիահայերի աջակցության հարցերով զբաղվող հասարակական կազմակերպությունների ներկայացուցիչների մասնակցությամբ: