Հայտարարություններ

Սիրելի հայրենակիցներ,

 

Այս բաժնում կարող եք ծանոթանալ ՀՀ սփյուռքի նախարարության ծրագրերով կայանալիք միջոցառումներին, իսկ Սփյուռքի հայկական համայնքներում իրականացվելիք միջոցառումներին և սպասվող իրադարձություններին կարող եք տեղեկանալ «Հայերն այսօր»-ի «Հայտարարություններ» և «Անոնս» բաժիններից:

 

Սփյուոքում Ձեր կողմից կազմակերպվելիք ամենատարբեր միջոցառումների մասին մեզ կարող եք տեղեկացնել սեղմելով «Ավելացնել» կոճակը: Մենք անպայման կարձագանքենք և այդ մասին տեղեկատվությունը կտարածենք «Հայերն այսօր»-ի միջոցով:




ՀԱՅԿԱԿԱՆ ԱՌԵՎՏՐԱՅԻՆ ՑԱՆՑԻ (ՀԱՑ) ՀԱՅԿԱԿԱՆ ԱՌԵՎՏՐԱԱՐԴՅՈՒՆԱԲԵՐԱԿԱՆ ՊԱԼԱՏՆԵՐԻ 5-ՐԴ ԸՆԴՀԱՆՈՒՐ ԺՈՂՈՎԻ ՆԻՍՏ ԵՎ 3-ՐԴ ԳՈՐԾԱՐԱՐ ՖՈՐՈՒՄ (Սեպտեմբեր, 2017թ.)
Տեսակ` Համաժողովներ
Սկզբնաժամկետ` 2017-09-20
Վերջ` 2017-09-27
Երկիր` Հայաստան
Ոլորտ` Հասարակություն

Հարգելի՛ հայրենակիցներ, գործարարներ,


Տեղեկացնում ենք ձեզ, որ Հայկական առևտրային ցանցի նախաձեռնությամբ, ՀՀ սփյուռքի նախարարության աջակցությամբ և ՀՀ կառավարության հովանավորությամբ 2017թ. սեպտեմբերի 20-27-ն ընկած ժամանակահատվածում (օրերը կհստակեցվեն) Երևանում կկազմակերպվեն Հայկական առևտրային ցանցի (ՀԱՑ) հայկական առևտրաարդյունաբերական պալատների 5-րդ ընդհանուր ժողովի նիստը և 3-րդ գործարար ֆորումը:


Երկու տարին մեկ անգամ անցկացվող այս միջոցառումների նպատակն է աջակցել աշխարհի հաջողակ հայ գործարարների միջև կապերի հաստատմանն ու փորձի փոխանակմանը, ինչպես նաև հայկական բիզնես ցանցի ընդլայնմանն ու համատեղ փոխշահավետ նախաձեռնություններին՝ նպաստելու Հայաստանի տնտեսության և հայկական համընդհանուր բիզնես հանրության և բիզնես միջավայրի զարգացման գործին:

ՀԱՑ-ի գալիք նիստի առանցքային հարցերն են լինելու.

  • քննարկել ՀԱՑ-ին մաս կազմող առևտրաարդյունաբերական պալատներին առնչվող խնդիրները, լուծման ուղիները,
  • քննարկել Հայաստանում բարենպաստ բիզնես միջավայրի զարգացմանը խոչընդոտող հիմնական հարցերը և առաջարկել լուծումներ,
  • ընդլայնել ՀԱՑ-ը՝ ներգրավելով նոր շահագրգիռ կողմեր և հայկական գործարար կառույցներ,
  • դիտարկել Հայաստանում և Արցախում տարբեր ոլորտներում ներդրումների իրականացման շահավետ հնարավորությունները,
  • փոխանակել գործարարների հաջողված փորձը բիզնես ոլորտում:

Հրավիրում ենք աշխարհասփյուռ հայ գործարարներին, ինչպես նաև ՀԱՑ-ի անդամ չհանդիսացող հայկական առևտրաարդյունաբերական պալատներին և գործարարների միություններին մասնակցելու գալիք նիստին և ֆորումին: Միջոցառումներին մասնակցելն անվճար է, սակայն մասնակիցները հոգում են իրենց կեցությունը և ճանապարհածախսը:


Ծրագիրը կհրապարակվի ավելի ուշ, որը կտեղադրվի ՀՀ սփյուռքի նախարարության պաշտոնական կայքէջում (www.mindiaspora.am) և կուղարկվի միջոցառմանը մասնակցելու հայտ ներկայացրած անձանց:


Միջոցառումներին մասնակցելու ցանկության դեպքում կարող եք լրացնել գրանցման հայտադիմումը և ուղարկել ՀՀ սփյուռքի նախարարություն՝ հայտադիմումի մեջ նշված էլ. փոստերին:

 

ՀՀ ՍՓՅՈՒՌՔԻ ՆԱԽԱՐԱՐՈՒԹՅՈՒՆ


Կցված նյութեր`

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Նոյեմբեր  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30

ԲՐԱԶԻԼԻԱՅԻ ՍԱՆ ՊԱՈՒԼՈ ՆԱՀԱՆԳԻ

ՊԵՏԱԿԱՆ ՀԱՄԱԼՍԱՐԱՆԻ ՌԵԿՏՈՐ

ԴՈԿՏՈՐ-ՊՐՈՖԵՍՈՐ ՎԱՀԱՆ ՀԱԿՈԲՅԱՆԻՆ

 

Հարգարժա՛ն պարոն Հակոբյան,


Մեծ ուրախությամբ տեղեկացա, որ Սան Պաուլոյի Պետական համալսարանում կայացած ընտրություններում հաղթելու արդյունքում և նահանգապետի հրամանով նշանակվել եք հիշյալ հաստատության ռեկտոր:

24.10.2017  |  Ելույթներ

Գերապայծա՛ռ Տեր Լևոն արքեպիսկոպոս Զեքիյան,

Հոգևոր Հայրեր,

Հարգարժա՛ն գիտնականներ, ներկաներ,


Շնորհավորում եմ բոլորիս Սուրբ Ղազար կղզում Մխիթարյան միաբանության հաստատման 300-ամյա հոբելյանի կապակցությամբ, հոբելյան, որի մեկնարկը տրվեց այս տարվա սեպտեմբերին Մխիթարյան միաբանության Մայրավանքում և այսօր էլ շարունակվում է Մայր հայրենիքում: