Հայտարարություններ

Սիրելի հայրենակիցներ,

 

Այս բաժնում կարող եք ծանոթանալ ՀՀ սփյուռքի նախարարության ծրագրերով կայանալիք միջոցառումներին, իսկ Սփյուռքի հայկական համայնքներում իրականացվելիք միջոցառումներին և սպասվող իրադարձություններին կարող եք տեղեկանալ «Հայերն այսօր»-ի «Հայտարարություններ» և «Անոնս» բաժիններից:

 

Սփյուոքում Ձեր կողմից կազմակերպվելիք ամենատարբեր միջոցառումների մասին մեզ կարող եք տեղեկացնել սեղմելով «Ավելացնել» կոճակը: Մենք անպայման կարձագանքենք և այդ մասին տեղեկատվությունը կտարածենք «Հայերն այսօր»-ի միջոցով:




ՀՀ սփյուռքի նախարարության 2017 թվականի «Մեր մեծերը» ծրագիր
Տեսակ` Մրցույթներ
Սկզբնաժամկետ` 2017-02-08
Վերջ` 2017-12-30
Երկիր` Հայաստան
Ոլորտ` Մշակույթ

Հարգելի´ հայրենակիցներ,


ՀՀ սփյուռքի նախարարությունը Հայաստան-Սփյուռք գործակցության պետական քաղաքականության շրջանակում 2009 թվականից իրականաց­նում է «Մեր մեծերը» ծրագիրը, որի գլխավոր նպատակը մեր հռչակավոր մեծերի հայրենանվեր գործունեությունը սերունդներին ներկայացնելն ու նրանցում հայրենասիրության զգացում ձևավորելն է:


Հայրենանվեր անհատների ճանաչողությունը նպաստում է հայապահպանության հիմնախնդրի լուծմանը, երիտասարդության շրջանում ազգային արմատների ճանաչմանն ու ազգային ինքնության ամրապնդմանը:


2017 թվականի «Մեր մեծերը» ծրագրում ընդգրկվել են ամերիկահայ ռեժիսոր Ռուբեն Մամուլյանի, բանաստեղծ Վահան Թեքեյանի, նշանավոր գործարար ու բարեգործ Ալեքսանդր Մանթաշյանցի, կոմպոզիտոր, դիրիժոր, հայ ազգային օպերային արվեստի հիմնադիր Տիգրան Չուխաջյանի և ծովանկարիչ Հովհաննես Այվազովսկու անուները, ինչպես նաև Վենետիկի Մխիթարյան Միաբանությունը:


Ծրագրի շրջանակներում ՀՀ բուհերում և դպրոցներում, ինչպես նաև ԼՂՀ-ի, Սփյուռքի կրթօջախներում կազմակերպվում են մեծարման միջոցառումներ (համաժողովներ, պոեզիայի տոներ, շարադրությունների մրցույթներ, համերգներ, բաց դասեր, հրատարակվում են գրքույկներ, պատրաստվում են խտասալիկներ և այլն):


Իրականացվող միջոցառումների մասին տեղեկատվությունը տարվա ընթացքում պարբերաբար տրամադրվում է նախարարությանը, նյութեր են պատրաստվում և տեղադրվում «Հայերն այսօր» պարբերականում:


Սիրելի´ հայրենակիցներ,


Դարձե´ք ՀՀ սփյուռքի նախարարության «Մեր մեծերը» ծրագրի մասնակիցը, ձեր ձեռնարկներում անդրադարձե՛ք 2017 թվականի «Մեր մեծերը» ծրագրում ընդգրկված նշանավոր անձանց, ինչպես նաև Վենետիկի Մխիթարյան Միաբանությանը՝ տարվա ընթացքում կազմակերպելով նրանց նվիրված միջոցառումներ:


Միջոցառումների վերաբերյալ նյութերը ուղարկեք mshakuyt.diaspora@mail.ru էլեկտրոնային հասցեին, որոնք և կտեղադրվեն «Հայերն այսօր» պարբերականում (hayernaysor.am):


Տեղեկությունների համար կարող եք այցելել ՀՀ սփյուռքի նախարարություն՝ Վազգեն Սարգսյան 3 հասցեով, կամ զանգահարել (+374 10) 585 601 (700), (+374 60) 500 830 հեռախոսահամարներով:

 

ՀՀ սփյուռքի նախարարության

համահայկական ծրագրերի վարչություն 


 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Փետրվար  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28

ՀՐԱՇԱՄԱՆՈՒԿ ԱԼԵՔՍԱՆԴՐ ԲԵՅԼԵՐՅԱՆԻՆ


Բա´րև, հրա´շք փոքրիկ,

Սիրով ու ջերմությամբ եմ շնորհավորում քեզ «Բոլորից լավը» հաղորդմանը քո ունեցած փայլուն մասնակցության  և հաղթանակի առիթով:

27.01.2017  |  Ելույթներ

Հունվարի 27-ին ՀՀ սփյուռքի նախարարությունում տեղի ունեցավ Հայոց բանակի օրվան նվիրված հանդիսավոր ցերեկույթ՝ հայրենադարձ ազատամարտիկների, սփյուռքահայ ներկա զինծառայողների, պետական պաշտոնյաների, Համահայկական կառույցների երևանյան գրասենյակների, ինչպես նաև սիրիահայերի աջակցության հարցերով զբաղվող հասարակական կազմակերպությունների ներկայացուցիչների մասնակցությամբ: