ՎԱՐԴԱՆ ԳՐԻԳՈՐԻ ՄԱՐԱՇԼՅԱՆ

Ծնվել է 1975 թվականի հուլիսի 8-ին, քաղաք Երևանում: 

1992թ. ավարտել է Մոսկվայի թիվ 345 դպրոցը:

1997թ. ավարտել է ՌԴ կառավարությանը կից ֆինանսական ակադեմիան` ստանալով «Համաշխարհային տնտեսագիտություն» որակավորումը:

2000թ. ավարտել է Մոսկվայի պետական համալսարանի ասպիրանտուրան` ստանալով տնտեսական գիտությունների թեկնածուի գիտական աստիճան:

Թվով 8 գիտական աշխատությունների հեղինակ է:

1998-2009թթ. Մոսկվայի պետական համալսարանում հանդես է եկել հեղինակային դասախոսություններով «Առևտրի համաշխարհային կազմակերպությունը և միջազգային առևտուրը», «Ոչ առևտրային ծրագրերի ղեկավարման միջազգային փորձը», «Անշարժ գույքի առևտրային ծրագրերի ղեկավարում» թեմաներով:

1995-1998թթ. աշխատել է Ռուսաստանի բանկային համակարգում` որպես ֆինանսական ակտիվների գործարքների գծով մասնագետ:

1999-2000թթ. աշխատել է ՀՀ Էկոնոմիկայի նախարարի օգնական:

2000-2001թթ. աշխատել է «Մարդկային Զարգացման Միջազգային Կենտրոն» ՀԿ փորձագետ:

2001-2004թթ. աշխատել է Մեծ Բրիտանիայի Միջազգային զարգացման նախարարության տնտեսական քաղաքականության գծով փորձագետ:

2004-2005թթ. աշխատել է «Սոգլասիե» ՓԲԸ փոխնախագահ:

2005-2007թթ. աշխատել է բրիտանական «Նորման Ասսետ Մենեջմենտ» կազմակերպության տարածաշրջանային զարգացման ներկայացուցչության տնօրեն:

2007-2008թթ. աշխատել է «Պրոմսվյազբանկ» ՓԲԸ-ում` որպես առևտրային անշարժ գույքի գործարքների վարչության պետ:

2008-2010թթ. աշխատել է «Էր Սի Գրուպ» ՓԲԸ-ում` որպես զարգացման ծրագրերի վարչության պետ:

Ամուսնացած է, ունի դուստր: