ՍՏԵՓԱՆ ԳՐԻԳՈՐԻ ՊԵՏՐՈՍՅԱՆ

Ծնվել է 17.07.1951թ. Թալինի շրջանի Դավթաշեն գյուղում:

1968-1973թթ. - սովորել եւ գերազանցության դիպլոմով ավարտել է Երեւանի պետական համալսարանի ֆիզիկայի ֆակուլտետը:

1973-1976թթ. - ուսանել է Սանկտ Պետերբուրգի ՌԴ ԳԱԱ Իոֆֆեյի անվան Ֆիզիկա-տեխնիկական ինստիտուտի ասպիրանտուրայում` կիսահաղորդիչների ֆիզիկա մասնագիտությամբ:

1977-1984թթ. - Երեւանի պետական համալսարանի ռադիոֆիզիկայի ֆակուլտետի կիսահաղորդիչների եւ դիէլեկտրիկների ֆիզիկայի ամբիոնի կրտսեր, ավագ գիտաշխատող:

1984-1991թթ. - Երեւանի պետական համալսարան, ռադիոֆիզիկայի ֆակուլտետի կիսահաղորդիչների եւ դիէլեկտրիկների ֆիզիկայի ամբիոնի դոցենտ:

1991-2004թթ. - Երեւանի պետական համալսարանի ռադիոֆիզիկայի ֆակուլտետի կիսահաղորդիչների եւ դիէլեկտրիկների ֆիզիկայի ամբիոնի պրոֆեսոր:

2003-2008թթ. - «Կիսահաղորդչային նանոէլեկտրոնիկա» հանրապետական նպատակային ծրագրի տեսական խմբի ղեկավար:

2004-2008թթ. - Ռուս-Հայկական (Սլավոնական) պետական համալսարանի ֆիզիկա-տեխնիկական ֆակուլտետի դեկան, պինդ մարմնային էլեկտրոնիկայի նյութերի եւ բաղադրիչների ամբիոնի պրոֆեսոր:

Ֆիզիկա-մաթեմատիկական գիտությունների դոկտոր է (1990թ., Սանկտ Պետերբուրգի տեխնիկական համալսարան), պրոֆեսոր (2005թ.):

Երեք ուսումնա-մեթոդական ձեռնարկների, մեկ մենագրության եւ շուրջ 80 գիտական հոդվածների հեղինակ է, որոնց գերակշիռ մասը հրատարակված է արտասահմանյան հեղինակավոր ամսագրերում: Մասնակցել եւ զեկույցներով հանդես է եկել բազմաթիվ միջազգային գիտական համաժողովներում:

Ազատ տիրապետում է անգլերեն եւ ռուսերեն լեզուներին:

Ամուսնացած է, ունի երեք երեխա:

Միջազգային կապեր եւ այցելություններ

1984-1985թթ. - ԱՄՆ, Լուիզիանայի պետական համալսարան, Ռիվերսայդի կալիֆորնիական համալսարան, գիտական երկարատեւ գործուղում:

1989-1990թթ. - Ռուսաստան, Սանկտ Պետերբուրգի ՌԴ ԳԱԱ Իոֆֆեյի անվան ֆիզիկա-տեխնիկական ինստիտուտ, դոկտորանտ:

1988, 1992, 1994, 1997թթ. - Իտալիա, Տրիեստի տեսական ֆիզիկայի միջազգային կենտրոն, մեկից մինչեւ երեք ամսյա մասնակցություն գիտական դպրոցի աշխատանքներին որպես առաջատար հետազոտող:

1997-2004թթ. - Իտալիա, Տրիեստի տեսական ֆիզիկայի միջազգային կենտրոն որպես այդ Կենտրոնի ընտրված անդամ, մասնակցություն գիտական համաժողովներին, դասախոսություններ, գիտական աշխատանք:

2001թ. - Իտալիա, Պավիայի պետական համալսարան, վեց ամսյա գիտական աշխատանք:

2003թ. - Ֆրանսիա, Ստրասբուրգի PHASE-CNRS լաբորատորիա, մեկ ամսյա գիտական համատեղ աշխատանք:

2002, 2005թթ. - Գերմանիա, Բոխումի համալսարան, մեկամսյա եւ երեքամսյա գիտական աշխատանք եւ դասախոսություններ կիսահաղորդչային նանո-էլեկտրոնիկայից:

2007թ. - Կանադա, Տորոնտոյի համալսարան, մեկ ամսյա գիտական աշխատանք:

Դրամաշնորհներ

INTAS (EU, երկու), TRIL (Italy), ISTC (USA), ANSEF (USA), CIDA(Canada).

Անդամություն գիտական խորհուրդներին եւ ընկերություններին

ԵՊՀ Խորհրդի անդամ (1999-2003), ԵՊՀ Ռադիոֆիզիկայի ֆակուլտետի խորհրդի անդամ (1991-2005), ՌՀ(Ս)Հ Գիտական Խորհրդի անդամ (2005-2009), ԵՊՀ 049 - Մասնագիտացված խորհրդի անդամ (1998-2009):

Էլ.հասցե` spetrosyan@rau.am