Նորություններ
Հուլիսի 28-ին տեղի ունեցավ ՀՀ սփյուռքի նախարարության «Արի տուն 2010» ծրագրի 3-րդ փուլի բացման արարողությունը: Նախարար Հրանուշ Հակոբյանը մեծ սիրով և ջերմությամբ բարի գալուստ մաղթեց աշխարհի 18 երկրներից ժամանած 165 երիտասարդներին` նշելով, որ բոլորը շատ սպասված և սիրված են Հայրենիքում:
Արարողությանը ներկա էին արտաքին գործերի փոխնախարար Կարինե Ղազինյանը, Արմավիրի և Արարատի փոխմարզպետներ Լարիսա Մուրադյանն ու Սամվել Մինասյանը: Նախարարը խորին շնորհակալություն հայտնեց հյուրընկալ ընտանիքներին և փոխմարզպետներին` ծրագրի իրականացմանն աջակցելու համար, ինչպես նաև դիմեց մասնակից արիտունցիներին` կոչ անելով նրանց սրտերը լայն բաց անել և վայելել Հայրենիքն իր ամբողջ հմայքով:
Իրենց խոսքն ասելու ցանկություն հայնտեցին նաև ծրագրի մասնակիցները` բարձր գնահատելով ՀՀ սփյուռքի նախարարության այս նախաձեռնությունը:
Այնուհետև ծրագրի ավանդույթի համաձայն ՀՀ սփյուռքի նախարարության համահայկական ծրագրերի վարչության գիտակրթական ծրագրերի բաժնի պետ Ս. Համբարյանը, ընտրելով Չեխիայից ժամանած փոքրիկ մասնակից Վլադիմիրին, նրան զգեստավորեց արի տունցիների շապիկով և գլխարկով:
Կցված նկարներ`
|
|
