Նորություններ

2019-05-21 09:01:00 | Նորություններ
Սփյուռքի ազգային պարի ուսուցիչների և երգչախմբերի խմբավարների վերապատրաստման դասընթացներ

Սիրելի՛ հայրենակիցներ,


Ս.թ. հուլիսի 21-ից օգոստոսի 3-ը Երևանում իրականացվելու է Սփյուռքի ազգային պարի ուսուցիչների և երգչախմբերի խմբավարների վերապատրաստման երկշաբաթյա դասընթաց:


Մասնակիցները 14 օրերի ընթացքում հնարավորություն կունենան առարկայական դասընթացների միջոցով կատարելագործել իրենց գիտելիքներն ու հմտությունները ազգային պարախմբերի և երգչախմբերի կազմակերպման և կառավարման գործում:


Ճանաչված մասնագետների կողմից անցկացվող տեսական և գործնական պարապմունքների թեմաներն ընդգրկելու են՝


– ազգային պարի, երգի յուրահատկությունները, մշակման եղանակները,

– ավանդական ժողովրդական, ինչպես նաև ժամանակակից պարը և դասական երգեցողությունը, բեմադրական հմտությունները,

– համայնքներում գործող պարախմբերի/երգչախմբերի գործունեության կազմակերպման և կառավարման եղանակները:


Դասընթացը ներառելու է նաև մշակութային հանդիպումներ և հետաքրքիր այցելություններ Հայաստանի պատմամշակութային և ժամանցային վայրեր։


Դասընթացի լեզուն հայերենն է։


Դասընթացների 14-օրյա ժամանակահատվածի բոլոր ծախսերը հոգում է ՀՀ կառավարությունը:


Ովքեր կարող են մասնակցել դասընթացին՝


ՀՀ քաղաքացի չհանդիսացող (բացառությամբ՝ երկքաղաքացիություն ունեցողների) Սփյուռքի պարային խմբերի և երգչախմբերի ղեկավարները, պարուսույցները, երգուսույցները, դիրժորները, որոնք՝

  • նախկինում չեն մասնակցել ՀՀ սփյուռքի նախարարության կողմից անցկացված ազգային պարի, երգի վերապատրաստման դասընթացների,
  • իրենց հաշվին հոգալու են Հայաստան ժամանման և մեկնման ծախսերը,
  • իրենց հաշվին ձեռք են բերելու երկշաբաթյա տուրիստական ապահովագրություն:

Դասընթացների մասնակցության հայտ ներկայացնելու վերջնաժամկետը՝

20.06.2019 թ. ժամը 24:00 (երևանյան ժամանակով)


Մասնակցության հաստատման/մերժման ծանուցումը մասնակիցներին կուղարկվի մինչև՝

01.07.2019 թ. ժամը 18:00 (երևանյան ժամանակով)


Զգուշացում՝ խնդրում ենք, մինչև պաշտոնական ծանուցման ստացումը զերծ մնալ ավիատոմսերի կամ այլ փոխադրամիջոցի տոմսերի ձեռքբերումից։


Կոնտակտներ`

Հեռ.՝ +374 10 58-56-01 /6-04/, +374 60 500-830,

էլ. հասցե՝ culturtraining2019@gmail.com:

Հայտադիմումները լրացնելու համար կարող եք այցելել այստեղ:

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2019  >> <<  Հունիս  >>
Երկ Երք Չրք Հնգ Ուրբ Շբթ Կրկ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

18.08.2018  |  Ելույթներ

«Քայլ դեպի տուն»-ցինե՛ր, ողջու՜յն նորից:


Ուրախ եմ, որ այսօր դուք հնարավորություն ունեք հանդիպելու ՀՀ պաշտպանության նախարար Դավիթ Տոնոյանի հետ: