Նորություններ

2019-04-26 15:13:00 | Նորություններ
Բաբկեն Տեր Գրիգորյանն ընդունեց իտալահայ գործարար Սարո Խուդավերդիին

Ապրիլի 26-ին սփյուռքի նախարարի պարտականությունները կատարող Բաբկեն Տեր Գրիգորյանն ընդունեց իտալահայ գործարար, բարերար, “Lerner Italy Srl” ընկերության սեփականատեր Սարո Խոդավերդիին և նրա տիկնոջը՝ Սիրան Բորանյանին:


Ողջունելով հյուրերին՝ Բաբկեն Տեր Գրիգորյանը բարձր գնահատեց Խուդավերդի ընտանիքի հայանպաստ գործունեությունը, մեծ ներդրումը հայապահպանության, Հայաստան-սփյուռք կապերի ամրապնդման գործում, կարևորեց նրանց սերտ համագործակցությունը նախարարության հետ: Նախարարի պաշտոնակատարն ընդգծեց՝ Հայաստան-սփյուռք հարաբերությունների նոր փուլ է սկսվում, և այդ նոր աշխատանքի մեջ Սարո Խուդավերդիի գործունեությունը պետք է օրինակելի լինի: Բաբկեն Տեր Գրիգորյանը նաև շնորհավորեց հյուրին Հայաստանի Հանրապետության անձնագիր ստանալու առթիվ:


Սարո Խուդավերդին մասնագիտությամբ ճարտարապետ է, Իտալիայում ծավալած նորաձևության բիզնեսից բացի՝ Ամերիկայի Միացյալ Նահանգներում զբաղվում է շինարարական բիզնեսով: Այդքանով հանդերձ՝ նա իր կյանքի գործը համարում է Իտալիայի հայ համայնքին ակտիվորեն ծառայելը: «1983 թվականի առաջին անգամ այցելեցի Հայաստան, դրանից հետո համարյա  ամեն տարի գալիս եմ հայրենիք: Այստեղ տուն եմ կառուցել և ամեն անգամ մեծ սիրով եմ գալիս Հայաստան»,-նշեց իտալահայ գործարարը: Սպիտակի երկրաշարժից, Արցախյան պատերազմից մինչ օրս Սարո Խուդավերդին մի շարք բարեգործություններ է կատարել Հայաստանում, Արցախում և սփյուռքում:


«Ես նաև Միլանի Սուրբ Քառասուն մանկանց եկեղեցու վարչական խորհրդի ատենապետն եմ: Միլանում հայ համայնքը բաղկացած է 100 ընտանիքներից, որոնք համախմբված են հայ եկեղեցու շուրջը»,-նշեց իտալահայ բարերարը: Նա հատկապես կարևորեց հայաստանյան շուկայում իտալական ընկերությունների կողմից ներդրումների հեռանկարները: «Ինչ կարող ենք անել Հայաստանի զարգացման համար, պատրաստակամ ենք անելու»,-շեշտեց Սարո Խուդավերդին:

Կցված նկարներ`

  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2019  >> <<  Դեկտեմբեր  >>
Երկ Երք Չրք Հնգ Ուրբ Շբթ Կրկ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

18.08.2018  |  Ելույթներ

«Քայլ դեպի տուն»-ցինե՛ր, ողջու՜յն նորից:


Ուրախ եմ, որ այսօր դուք հնարավորություն ունեք հանդիպելու ՀՀ պաշտպանության նախարար Դավիթ Տոնոյանի հետ: