Նորություններ

2019-04-15 17:01:00 | Նորություններ
«Վերակազմակերպման արդյույքում փոփոխությունները միայն դրական են լինելու». Բաբկեն Տեր Գրիգորյան

Ապրիլի 15-ին սփյուռքի նախարարի պարտականությունները կատարող Բաբկեն Տեր Գրիգորյանն ընդունեց «Թեքեյան Կենտրոն» հիմնադրամի հոգաբարձուների խորհրդի նախագահ, Լոնդոնի Թեքեյան խնամակալ մարմնի հիմնադիր անդամ և պատվավոր քարտուղար Վարդան Ուզունյանին և «Թեքեյան կենտրոն» հիմնադրամի տնօրեն Արմեն Ծուլիկյանին:


Ողջունելով հյուրերին՝ Բաբկեն Տեր Գրիգորյանը կարևորեց կազմակերպության հայակենտրոն քաղաքականությունը, սերտ համագործակցությունը սփյուռքի նախարարության և համահայկական կառույցների հետ: Պատասխանելով սփյուռքի նախարարության վերակազմավորման հետ կապաված մտահոգություններին, նա հավաստիացրեց, որ առաջիկայում ևս սփյուռքի հարցերով գլխավոր հանձնակատարի գրասենյակը կշարունակի հետևողական աշխատանք տանել 4 հիմնական ուղղությամբ՝ հայրենադարձություն և ինտեգրում, հայապահպանություն և համայնքներին աջակցություն, համահայկական օրակարգի ձևավորում և սփյուռքի ներուժի նպատակային օգտագործում Հայաստանի զարգացման գործում: Գրասենյակը համակարգելու է մյուս նախարարությունների սփյուռքի կառույցների հետ տարվող աշխատանքը, մշակելու է հայապահպանության համապարփակ ռազմավարություն: «Վերակազմակերպման արդյույքում փոփոխությունները միայն դրական են լինելու: Սփյուռքի համայնքներին աջակցության օրակարգը թելադրելու են համայնքները: Մենք աշխատելու ենք և՛ կազմակերպությունների ու կառույցների, և՛ անհատների հետ», - հավելեց սփյուռքի նախարարի պաշտոնակատար Բաբկեն Տեր Գրիգորյանը:


Քննարկվեցին Թեքեյան կենտրոնի կրթական, մշակութային ծրագրերին սփյուռքի հարցերով գլխավոր հանձնակատարի գրասենյակի աջակցության հետ կապված հարցեր, անդրադարձ կատարվեց հետագա համագործակցության ուղիներին:


Բաբկեն Տեր Գրիգորյանը մեկ անգամ ևս հավաստիացրեց միասին աշխատելու պատրաստակամությունը: Հայապահպանության ոլորտում ունեցած զգալի ներդրման համար՝ սփյուռքի նախարարի պաշտոնակատարը «Թեքեյան կենտրոն» հիմնադրամի տնօրեն Արմեն Ծուլիկյանին պարգևատրեց սփյուռքի նախարարության «Վիլյամ Սարոյան» մեդալով:


Հյուրերը շնորհակալություն հայտնեցին արդյունավետ հանդիպման համար, որոշվեց քննարկումներն ավելի հաճախակի և շարունակական դարձնել:

Կցված նկարներ`

  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2019  >> <<  Ապրիլ  >>
Երկ Երք Չրք Հնգ Ուրբ Շբթ Կրկ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

18.08.2018  |  Ելույթներ

«Քայլ դեպի տուն»-ցինե՛ր, ողջու՜յն նորից:


Ուրախ եմ, որ այսօր դուք հնարավորություն ունեք հանդիպելու ՀՀ պաշտպանության նախարար Դավիթ Տոնոյանի հետ: