Նորություններ

2019-04-15 14:43:00 | Նորություններ
Բաբկեն Տեր Գրիգորյանը այցելեց Հայաստանի Մխիթարյան կենտրոն

Ապրիլի 15-ին սփյուռքի նախարարի պարտականությունները կատարող Բաբկեն Տեր Գրիգորյանն այցելեց Հայաստանի Մխիթարյան կենտրոն: Դեռևս անցած շաբաթ նախարարի պաշտոնակատարն ընդունեց կենտրոնի տնօրինությանը, քննարկվեցին առկա խնդիրներն ու լուծման ճանապարհները, Տեր Գրիգորյանը կենտրոն այցելության հրավեր ստացավ:


Այսօր արդեն նախարարի պաշտոնակատարը շրջայց կատարեց Ժառանգավորաց դպրոցում, կենտրոնի մատուռում և գրադարանում, ականատես եղավ դասապրոցեսին, կարճ զրույցներ ունեցավ սաների հետ, դպրոցի գրադարանին գրքեր նվիրեց:


Այնուհետև դպրոցի սաները հյուրերին ներկայացրին փոքրիկ միջոցառում, ասմունքեցին, հանդես եկան պարային և դաշնամուրային կատարումներով:


Շնորհակալություն հայտնելով հրավերի համար՝ Բաբկեն Տեր Գրիգորյանը նշեց. «Այն, ինչ տեսա այստեղ, ինձ շատ ուրախացրեց: Ես էլ տարիներ առաջ եղել եմ Մխիթարյան դպրոցի սան, և ոգևորիչ է, որ նույն ավանդույթները, դաստիարակությունը շարունակվում են հայրենի հողի վրա: Վստահաբար մենք մեր համագործակցությունը կշարունակենք»:


Այցի շրջանակներում նախարարի պաշտոնակատարը հանդիպեց նաև կենտրոնում գտնվող Վենետիկի Մխիթարյան միաբանության միաբան, գերաշնորհ հայր Վահան ծայրագույն վարդապետ Օհանյանի և ավստրալահայ գործիչ Արա Քաթիբյանի հետ: Զրույցը ծավալվեց միաբանության կողմից ձեռնարկված Հայոց ցեղասպանությանը նախորդած և հաջորդած ժամանակաշրջաններում ամերիկյան մամուլում տեղ գտած հրապարակումներին առնչվող 10 հատորանոց անգլերեն մատենաշարի հրատարկության շուրջ, որն ընդգրկելու է վեց առաջատար ամերիկյան թերթերը՝ «The New York Times», «The Boston Daily Globe», «The Chicago Tribune», «The Christian Science Monitor», «The Los Angeles Times» և «The Washington Post»-ը: Մատենաշարի մի մասն արդեն հրատարակվել է, հատորներում ներկայացված 2666 հոդվածներում անդրադարձ է կատարվում 1894-1896 թթ․ համիդյան կոտորածներին, Ադանայի կոտորածին, Հայոց ցեղասպանությանը և այդ կոտորածների անմիջական հետևանքներին:

Կցված նկարներ`

  
  
  
  
  
  
  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2019  >> <<  Ապրիլ  >>
Երկ Երք Չրք Հնգ Ուրբ Շբթ Կրկ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

18.08.2018  |  Ելույթներ

«Քայլ դեպի տուն»-ցինե՛ր, ողջու՜յն նորից:


Ուրախ եմ, որ այսօր դուք հնարավորություն ունեք հանդիպելու ՀՀ պաշտպանության նախարար Դավիթ Տոնոյանի հետ: