Նորություններ

2018-10-05 15:49:00 | Նորություններ
2019 թվականին Վալանսում կբացվի նոր հայկական դպրոց

Հոկտեմբերի 5-ին սփյուռքի նախարար Մխիթար Հայրապետյանն ընդունեց  Ֆրանսիայի Վալանս քաղաքի քաղաքապետ Նիկոլա Դարագոնի գլխավորած պատվիրակությանը, որի կազմում էին քաղաքապետի տեղակալ Ֆրանկ Դիրաձոնյանը, քաղաքապետարանի աշխատակզմի ղեկավար Մաթիո Մարիենը, մունիցիպալ խորհրդի անդամներ Ժորժ Ռաստկլանը, Նաթալի Իլիոզերը, «Ռոման Ագլո»-ի նախագահ Սիլվիան Ֆիդենտին, ՀԲԸՄ Վալանսի մասնաճյուղի նախագահ Կևին Մարկարյանը, «Ապրիլի 24 կոմիտե»-ի նախագահ Գրիգոր Ամիրզայանը: 


Ողջունելով հյուրերին՝ սփյուռքի նախարարը կարևորեց Ֆրանսիայի ու Հայաստանի միջև գործակցությունը՝ ընդգծելով, որ Վալանսում այս պահին բնակվում է 15 000 հայ: Նախարար Մխիթար Հայրապետյանը հանդիպման ընթացքում հույս հայտնեց, որ նախարարության ու Վալանսի քաղաքապետարանի միջև գործակցությունը կշարունակվի, կընդլայնվի ու կդառնա առավել ակտիվ:


«Իսկապես Վալանսի հայկական համայնքը կարևորագույներից է Ֆրանսիայում, կցանկանամ, որ հետագա հանդիպումները լինեն աշխատանքային, որպեսզի կարողանանք պայմանավորվել հստակ ծրագրերի շուրջ»,-շեշտեց նախարարը:  


Վալանսի քաղաքապետն էլ իր հերթին ընդգծեց, որ պատրաստվում են գործակցել ոչ միայն Հայաստանի Հանրապետության, այլև Արցախի Հանրապետության քաղաքների հետ: Նիկոլա Դարագոնը շեշտեց, որ առաջիկա օրերին կայցելի նաև Արցախ, միաժամանակ նշելով, որ Վալանս քաղաքի կառավարման խորհրդի անդամների 10 տոկոսը հայ է: 


«Պարո՛ն նախարար, շնորհակալ եմ, որ Ձեր լարված գրաֆիկում տեղ գտաք նաև մեզ համար: Ցանկանում եմ առանձնակի ընդգծել, որ Հայաստանի ու Ֆրանսիայի հարաբերությունները գտնվում են ամենաբարձր մակարդակի վրա: Ցանկանում եմ Ձեզ հրավիրել Վալանս, որպեսզի կարողանանք քննարկել գործակցության բոլոր այն ճյուղերը, որոնք կարևոր են Հայաստանի համար»,- նշեց Վալանսի քաղաքապետը:


Նիկոլա Դարագոնը ընդգծեց նաև, որ 2019 թվականին քաղաքում կբացվի նոր հայկական դպրոց:


Հիշեցնենք, որ Վալանսում հայերը սկսել են հաստատվել 1923-1925 թվականներից սկսած: 1984 թվականին Վալանսում բնակվում էր 5 հազար հայ։ Նրանց թիվն այս պահին հասնում է 15 հազարի: Վալանսում գործում են ՀԲԸՄ (1934 թվականից), Հայ Կարմիր խաչի, Մալաթիո կրթասիրաց ընկերության, Ֆրանսահայ մշակութային միության, Ֆրանսահայ երիտասարդական միության (ԺԱՖ) Վալանսի մասնաճյուղերը, ինչպես նաև այլ հասարակական, հայրենասիրական կազմակերպություններ։

Կցված նկարներ`

  
  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2018  >> <<  Դեկտեմբեր  >>
Երկ Երք Չրք Հնգ Ուրբ Շբթ Կրկ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

18.08.2018  |  Ելույթներ

«Քայլ դեպի տուն»-ցինե՛ր, ողջու՜յն նորից:


Ուրախ եմ, որ այսօր դուք հնարավորություն ունեք հանդիպելու ՀՀ պաշտպանության նախարար Դավիթ Տոնոյանի հետ: