Նորություններ

2018-06-06 00:00:00 | Նորություններ
ՀՄԸՄ հիմնադրման 100-ամյակին ընդառաջ Սփյուռքի նախարարությունում տեղի ունեցավ միջգերատեսչական հանձնաժողովի նիստ

Հունիսի 6-ին ՀՀ սփյուռքի նախարարությունում տեղի ունեցավ Հայ մարմնակրթական ընդհանուր միության հիմնադրման 100-ամյակին նվիրված տոնակատարությունները և 11-րդ բանակումը կազմակերպելու նպատակով ստեղծված միջգերատեսչական հանձնաժողովի երկրորդ նիստը: Նիստին մասնակցում էին Սփյուռքի նախարար Մխիթար Հայրապետյանը, նախարարի տեղակալ Բաբկեն Տեր-Գրիգորյանը, «Հայաստանի ազգային սկաուտական շարժում» հասարակական կազմակերպության ատենապետ Դավիթ Հակոբյանը, ներկայացուցիչներ  ՀՀ արտաքին գործերի, կրթության և գիտության, մշակույթի, առողջապահության, տրանսպորտի, կապի և տեղեկատվական տեխնոլոգիաների,  սպորտի և երիտասարդության հարցերի նախարարություններից, ՀՀ ոստիկանությունից, Երևանի քաղաքապետարանից, ՀՄԸՄ Կենտրոնական վարչությունից:

Բացման խոսքով հանդես եկավ Սփյուռքի նախարար Մխիթար Հայրապետյանը: Ողջունելով նիստի մասնակիցներին՝ նախարարը նշեց, որ Հայ մարմնակրթական ընդհանուր միության հիմնադրման 100-ամյակին նվիրված տոնակատարությունները և 11-րդ բանակումը պետք է անցկացվեն հավուր պատշաճի և բարձր մակարդակով: «Անգնահատելի և անուրանալի է ՀՄԸՄ-ի դերը հայապահպանության, Հայաստան-Սփյուռք կապերի ամրապնդման և սկաուտական շարժման զարգացման գործում»,-նշեց Մխիթար Հայրապետյանը:

«Հայաստանի ազգային սկաուտական շարժում» հասարակական կազմակերպության ատենապետ Դավիթ Հակոբյանը նշեց, որ հանդիպումներ են եղել ՀՀ նախագահի, վարչապետի, պաշտպանության և սփյուռքի նախարարների հետ, և կազմակերպության  100-ամյակի բոլորը ծրագրերը վերահաստատվել են, կազմակերպման ընթացքի մեջ են:   

ՀՄԸՄ Կենտրոնական վարչության անդամ Օշին Փիրումյանը հանգամանորեն ներկայացրեց 100-ամյակի ծրագիրը, և քննարկման միջոցով բոլոր գերատեսչությունների ներկայացուցիչները ճշտեցին իրենց անելիքները, միջոցառումների վերջնական ժամանակացույցը: Օշին Փիրումյանն ընդգծեց, որ հուլիսի 19-29-ը Հայաստանում են լինելու 22 երկրից ժամանած 1200 սկաուտներ, իսկ բանակումը տեղի է ունենալու ՀՄԸՄ-ՀԱՍԿ-ի՝ Բյուրականի կենտրոնական բանակավայրում:

ՀՄԸՄ 100-ամյակին նվիրված նամականիշի թողարկման մասին զեկուցեց ՀՀ տրանսպորտի, կապի և տեղեկատվական տեխնոլոգիաների նախարարության աշխատակազմի փոստի վարչության պետ Ծովինար Գալստյանը:

Կցված նկարներ`

  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2018  >> <<  Օգոստոս  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

26.01.2018  |  Ելույթներ

Անգնահատելի է հայ պարբերականների դերն ու առաքելությունը մեր պատմության, մշակույթի, ազգային ինքնության պահպանման գործում, մասնավորապես՝ Սփյուռքի պարագայում: