Նորություններ

2017-06-19 17:00:00 | Նորություններ
Կիպրոսի Հանրապետության նախագահի հումանիտար և արտերկրյա հարցերով հանձնակատարի գրասենյակի պատվիրակությունը այցելեց Հայոց ցեղասպանության զոհերի հուշահամալիր և Մատենադարան

ՀՀ սփյուռքի նախարարության հրավերով Հայաստան գտնվող  Կիպրոսի Հանրապետության նախագահի հումանիտար և արտերկրյա հարցերով հանձնակատարի գրասենյակի պատվիրակությունը՝ հանձնակատար Ֆոտիու Ֆոտիսը, հանձնակատարի խորհրդական Ալեքսանդրոս Կաիսը և  հանձնակատարի սփյուռքի հարցերով խորհրդական Տալիա Նատոնիուն, ՀՀ սփյուռքի նախարարի տեղակալ Վահագն Մելիքյանի, Եվրոպայի համայնքների վարչության պետ Կարեն Ավանեսյանի և Մամուլի և հասարակայնության հետ կապերի վարչության պետ Էվելինա Բաղդասարյանի ուղեկցությամբ այցելեցին Հայոց ցեղասպանության զոհերի հուշահամալիր և ծաղիկներ խոնարհեցին անմար կրակի մոտ:


Այնուհետև նրանք այցելեցին Հայոց ցեղասպանության թանգարան ինստիտուտ և շրջայց կատարեցին թանգարանում:


Ֆոտիու Ֆոտիսը պատվավոր հյուրերի հուշամատյանում գրառում կատարեց, որում մասնավորապես ասված էր. «Դժվար է հավատալ այն ամենին, ինչ մենք տեսանք այսօր, բայց դժբախտաբար ճշմարտությունը սահմռկեցնող է: Ես այստեղ եմ՝ Կիպրոսի ժողովրդի անունից հարգանքի տուրք մատուցելու թուրքերի կողմից գործած հանցագործության զոհերի հիշատակին: Յուրաքանչյուր մարդ պարտավոր է ճանաչել Հայոց ցեղասպանությունը: Ես Կիպրոսից եմ, մի երկրից, որը բռնաճնշումների ենթարկվեց Թուրքական իշխանությունների կողմից 1974թ.: Այսօր մենք պետք է համախմբենք մեր ուժերը՝ կանխելու բոլոր նոր արյունահեղությունները աշխարհում: Մենք պետք է լինենք միասին՝ մեր ժողովուրդների շրջանում նպաստելու մարդու իրավունքների գերակայության հաստատմանը: Եկեք հավատանք, որ միջազգային հանրությունը թույլ չի տա, որ կրկնվեն Հայոց ցեղասպանության նման հանցագործությունները»:


Կիպրոսից ժամանած պատվիրակությունը այցելեց նաև Մեսրոպ Մաշտոցի անվան հին ձեռագրերի գիտահետազոտական ինստիտուտ - Մատենադարան, հյուրերը շրջեցին ցուցասրահներով, ծանոթացան հնագույն մատյաններին, բարձր գնահատեցին հայ գրչության արվեստը:

Կցված նկարներ`

  
  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2018  >> <<  Մայիս  >>
Երկ Երք Չրք Հնգ Ուրբ Շբթ Կրկ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ՄՈՍԿՎԱՅԻ «ՎԵՐԱԾՆՈՒՆԴ» ՀԱՅԿԱԿԱՆ ԴՊՐՈՑԻ ՏՆՕՐԵՆ

ՏԻԿԻՆ ՇՈՂԻԿ ՓԱՀԼԵՎԱՆՅԱՆԻՆ

ՈՒՍՈՒՑԻՉՆԵՐԻՆ, ՍԱՆԵՐԻՆ ԵՎ ԾՆՈՂՆԵՐԻՆ

 

Մեծ սիրով և հպարտության զգացումով շնորհավորում եմ Մոսկվայի «Վերածնունդ» դպրոցի 30-ամյա հոբելյանը:

26.01.2018  |  Ելույթներ

Անգնահատելի է հայ պարբերականների դերն ու առաքելությունը մեր պատմության, մշակույթի, ազգային ինքնության պահպանման գործում, մասնավորապես՝ Սփյուռքի պարագայում: