Նորություններ

2017-06-19 00:00:00 | Նորություններ
Մեկնարկեց ՀՀ սփյուռքի նախարարության Սփյուռքի երիտասարդների հայրենաճանաչության «Արի տուն» ծրագրի 2017թ. առաջին փուլը

Հունիսի 19-ին ՀՀ սփյուռքի նախարարությունում տեղի ունեցավ սփյուռքահայ երիտասարդների հայրենաճանաչության «Արի տուն» ծրագրի 2017թ. առաջին փուլի բացման հանդիսավոր արարողությունը, որին մասնակցում է 163 սփյուռքահայ պատանի ու աղջիկ  7 երկրից՝ Ռուսաստանից, Ուկրաինայից, Վրաստանից, Ղազախստանից, Կանադայից, Քուվեյթից, Սիրիայից և Ֆրանսիայից:


Ողջույնի խոսքով հանդես եկավ ՀՀ սփյուռքի նախարար Հրանուշ Հակոբյանը:  Նա նշեց, մինչ այդ՝ ապրիլի 10-20-ը  «Արի տուն» ծրագրի հատուկ փուլով Հայաստան էին այցելել 66 պատանի ու աղջիկ  Ֆրանսիայի Ալֆորվիլ քաղաքի «Ս. Մեսրոպ-Արապեան», Փարիզի «Դպրոցասեր» և Մարսելի «Համազգային» վարժարաններից՝ 10 ուսուցչի ուղեկցությամբ:


«Սիրելի՛ արիտունցիներ, բարով եք եկել Հայրենիք: Շնորհակալ ենք ձեր ծնողներին, ուսուցիչներին, որ վստահեցին և Հայաստան ուղարկեցին ձեզ՝ մասնակցելու հայրենաճանաչության այս լավագույն ծրագրին: Հյուրընկալ ընտանիքներում 9 և ճամբարային 5 օրերի ընթացքում դուք կայցելեք Հայաստանի պատմական ու տեսարժան վայրեր, թանգարաններ, հանդիպումներ կունենաք պետական, հասարակական, մշակութային գործիչների հետ: Հայաստանում սովորեք, կատարելագործեք Ձեր Մայրենին և հիշեք, որ միայն լավ մարդ  և մրցունակ մասնագետներ դառնալով կկարողանաք ստեղծել ձեր արժանապատիվ ապագան և ձեր լուման կներդնեք Հայրենիքի շենացման գործին»:


ՀՀ սփյուռքի նախարարը շնորհակալություն հայտնեց պատկան գերատեսչություններին և համայնքային ծառայություններին՝ «Արի տուն» ծրագրի մասնակիցներին Հայաստանում հավուր պատշաճի ընդունելու, տեղավորելու, նրանց անվտանգությունն ու ժամանցը կազմակերպելու համար:


Այնուհետև նախարարը ավանդույթի համաձայն «Արի տուն» ծրագրի տարբերանշանով շապիկը հագցրեց ծրագրի ամենակրտսեր մասնակցին՝ Քուվեյթի ազգային վարժարանի սան Աբութ Ղտեին:


Շնորհակալություն հայտնելով մշտական ջերմ ընդունելության համար՝ ՌՀՄ Կրասնոդարի մասնաճյուղի կրթական խորհրդի ղեկավար Կարինե Եսայանը նշեց. «Արի տուն» ծրագիրը Հայրենիք-Սփյուռք կապերի մերձեցման իրական հնարավորություն է: Սիրելի՛ տիկին Հակոբյան, շնորհակալ ենք Ձեզ՝ ծրագրին մասնակցելու հնարավորություն ընձեռելու համար: Կրասնոդարի երկրամասի հայ պատանիներն ու աղջիկները  մի քանի տարի շարունակ ոգևորությամբ մասնակցում են և դեռ կմասնակցեն  ծրագրին»:


Այնուհետև ելույթ ունեցավ Ղազախստանի մասնակից Լուսինե Սարգսյանը՝ նշելով, որ իր հետ կտանի Հայաստանից ստացած ջերմ և անկրկնելի տպավորությունները: Ատըրաուի դպրոցի սաները (Ղազախստան)՝ տնօրեն Ալեսանդ Կարապետյանի գլխավորությամբ խոսեցին ծրագրի կարևորության մասին և ընդգծեցին, որ այսուհետ մշտապես պիտի մասնակցեն ծրագրին:


Այնուհետև նախարար Հրանուշ Հակոբյանը ՀՀ սփյուռքի նախարարության Երախտագիտության մեդալով պարգևատրեց Արարատի մարզի «Արի տուն» ծրագրի պատասխանատու Ադիբեկ Խուրշուդյանին:


Ասմունքով և ազգային երգերի կատարումներով հանդես եկան Քուվեյթից Մարիա Ղտեն, Ռուսաստանից Արփինե Բակունցը, Կարինա Եսայանը և Հրաչ Շահինյանը: Պարային համար ներկայացրին Ախալքալակի Բարալեթ գյուղի դպրոցի պարախմբի աղջիկները:

Կցված նկարներ`

  
  
  
  
  
  
  
  
  
  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Սեպտեմբեր  >>
Երկ Երք Չրք Հնգ Ուրբ Շբթ Կրկ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ՀԱԵ Վիրահայոց թեմի առաջնորդ, գերաշնո՛րհ տեր Վազգեն Միրզախանյան,

թբիլիսահայ համայնքի թանկագի՛ն հայրենակիցներ,

հարգելի՛ հյուրեր,

20.09.2017  |  Ելույթներ

Հարգելի ներկաներ,


Այսօր մեկնարկում է ՀՀ սփյուռքի և մշակույթի նախարարությունների հետ համատեղ իրականացվող «Նաիրի» համահայկական երաժշտական փառատոնը: