Նորություններ

2017-03-20 14:02:00 | Նորություններ
ՀՀ սփյուռքի նախարարությունում անցկացվեց խորհրդակցություն

Մարտի 20-ին ՀՀ սփյուռքի նախարար Հրանուշ Հակոբյանի ղեկավարությամբ տեղի ունեցավ խորհրդակցություն, որին մասնակցեցին նախարարի տեղակալներ Սերժ Սրապիոնյանը, Վահագն Մելիքյանը, աշխատակազմի ղեկավար Ֆիրդուս Զաքարյանը, «Հայրենիք-Սփյուռք կենտրոն» ՊՈԱԿ-ի, «Սիրիահայերի հիմնախնդիրները համակարգող կենտրոն» հասարակական կազմակերպության և կառուցվածքային ստորաբաժանումների ղեկավարները:


Կառուցվածքային ստորաբաժանումների ղեկավարները զեկուցեցին շաբաթվա ընթացքում իրականացված աշխատանքների և միջոցառումների վերաբերյալ, նշեցին առաջիկա անելիքները, հանդես եկան նոր առաջարկներով:


Նախարարը կարևորեց «Արի տուն» և «Սփյուռք» ամառային դպրոց ծրագրերի պատշաճ կազմակերպման ու իրականացման խնդիրները:


Շաբաթվա գլխավոր թեմա ընտրվեց տեսաժողովների անցկացումը: Անդրադարձ կատարվեց Պորտուգալիայի, Արգենտինայի, Վրաստանի, Բուրիաթիայի (ՌԴ) հայկական համայնքների հետ նախատեսված տեսաժողովներին, կարևորվեց Հայ բժիշկների համահայկական ընկերակցության ստեղծման նպատակով կազմակերպվող տեսաժողովի  անցկացումը՝ ԱՄՆ Արևելյան ափի, Օնտարիոյի, Արգենտինայի, Մեծ Բրիտանիայի, Գերմանիայի, Մոսկվայի հայ բժիշկների միավորումների և միությունների ներկայացուցիչների մասնակցությամբ:


Քննարկվեցին աշխատանքային այլ հարցեր: Տրվեցին հանձնարարականներ, նշանակվեցին պատասխանատուներն ու համակարգողները:

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Մայիս  >>
Երկ Երք Չրք Հնգ Ուրբ Շբթ Կրկ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ՀՀ ԱԶԳԱՅԻՆ ՀԵՐՈՍ, ՖՐԱՆՍԱՀԱՅ ԵՐԳԻՉ, ԵՐԳԱՀԱՆ, ԲԱՐԵՐԱՐ, ՇՎԵՅՑԱՐԻԱՅԻ ՀԱՄԱԴԱՇՆՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՊԱՐՈՆ ՇԱՌԼ ԱԶՆԱՎՈՒՐԻՆ

 

Մեծահա՛րգ մաեստրո,


ՀՀ սփյուռքի նախարարության ողջ անձնակազմի և անձամբ իմ անունից սրտանց շնորհավորում եմ Ձեզ՝ ծննդյան 93-րդ փառահեղ տարեդարձի առթիվ:

25.04.2017  |  Ելույթներ

Երուսաղեմի Հայոց Պատրիարք

Ամենապատիվ Տ. Նուրհան

արքեպիսկոպոս Մանուկյան 

Հարգարժան Ռուվեն Ամիթայ,

Հարգելի մասնակիցներ,

 

Երեկ  Ապրիլի 24-ին աշխարհասփյուռ մեր հայրենակիցներն ու աշխարհի հարյուրավոր երկրների առաջադեմ ներկայացուցիչներն իրենց խորին հարգանքի և անկեղծ խոնարհումի տուրքը մատուցեցին Հայոց Ցեղասպանության անմեղ զոհերի հիշատակին։