Նորություններ
Սեպտեմբերի 1-ին ՀՀ սփյուռքի նախարար Հրանուշ Հակոբյանն ընդունեց Մադրիդի հայ-իսպանական «Հոգիս» ասոցիացիայի անդամ Խաչատուր Սարգսյանին և մեկօրյա հայկական դպրոցի տարրական և ավագ դասարանների ուսուցչուհիներ Մարիամ և Ջուլիետա Հայրապետյաններին:
Շուրջ 60 աշակերտ ունեցող Մադրիդի մեկօրյա հայկական դպրոցը հինադրվել է 2006 թվականին «Հոգիս» ասոցիացիայի կողմից: Նույն ասոցիացիայի կողմից հիմնադրվել է նաև երիտասարդաց միություն, որին անդամակցում է Մադրիդի շուրջ 80 հայ երիտասարդ: Միության շրջանակներում կազմակերպվում են բազմաբնույթ միջոցառումներ` ֆիլմերի դիտում, պատմական փաստերի վերլուծություն և այլն:
Հանդիպման ընթացքում քննարկվեցին Մադրիդի հայ համայնքին առնչվող կրթական, մշակութային և այլ հարցեր: Նախարար Հրանուշ Հակոբյանի հանձնարարականով մեկօրյա դպրոցին տրամադրվեցին դասագրքեր, ուսումնամեթոդական ձեռնարկներ և ծրագրեր:
Հյուրերն ուրախությամբ նշեցին Իսպանիայում ՀՀ դեսպանություն բացվելու փաստը:
Կցված նկարներ`
|
