ՀՐԱՆՈՒՇ ՀԱԿՈԲՅԱՆ

 

Ծնվել է 1954թ., ապրիլի 12 ին, Գեղարքունիքի մարզի Սարուխան գյուղում:

 

Կրթություն

 

1970թ. ոսկե մեդալով ավարտել է Գավառի թիվ 1 միջնակարգ դպրոցը:

1975թ. ավարտել է Երևանի պետական համալսարանի կիրառական մաթեմատիկայի ֆակուլտետը:

 

1989թ. գերազանցությամբ ավարտել է Մոսկվայի հասարակական գիտությունների ակադեմիան:

 

1994թ. գերազանցությամբ ավարտել է Երևանի պետական համալսարանի իրավաբանական ֆակուլտետը:

 

Աշխատանքային գործունեություն

 

1975-1983թթ. Երևանի պետական համալսարանի կիրառական մաթեմատիկայի ֆակուլտետի դասախոս, միաժամանակ ղեկավարել է համալսարանի կոմերիտական կազմակերպությունը:

 

1983-1985թթ. ընտրվել է  ՀԼԿԵՄ կենտկոմի քարտուղար:

 

1985-1990թթ. ղեկավարել է Հայաստանի լենինյան երիտասարդական կազմակերպության կենտրոնական կոմիտեն, ընտրվել ՀամԼԿԵՄ Կենտկոմի բյուրոյի անդամ (Մոսկվա)

 

1986-2008թթ. 22 տարի անընդմեջ ընտրվել է պառլամենտի անդամ, եղել ՀԽՍՀ Գերագույն խորհրդի, ՀՀ Գերագույն խորհրդի, ապա՝ Ազգային ժողովի բոլոր գումարումների պատգամավոր, ՀՀ Գերագույն խորհրդի նախագահության անդամ։

 

1990-1995թթ. եղել է ՀՀ Գերագույն խորհրդի առողջապահության և սոցիալական հարցերի մշտական հանձնաժողովի փոխնախագահ։

 

1995-1997թթ. ընտրվել է ՀՀ ԱԺ սոցիալական, առողջապահության և բնության պահպանության հարցերի մշտական հանձնաժողովի նախագահ։

 

1995-1997թթ. եղել է ԱՊՀ երկրների միջխորհրդարանական վեհաժողովի սոցիալական հարցերի հանձնաժողովի փոխնախագահ:

 

1996-1998թթ. նշանակվել է ՀՀ սոցիալական ապահովության նախարար:

 

1996-2008թթ. նշանակվել է Միջխորհրդարանական միության հայաստանյան պատվիրակության անդամ, ապա ղեկավար:

 

1999-2003թթ. եղել է ԱԺ արտաքին հարաբերությունների հանձնաժողովի անդամ, իսկ 2003-2008թթ. ղեկավարել է ԱԺ գիտության, կրթության, մշակույթի և երիտասարդության հարցերի մշտական հանձնաժողովը:

 

 

1999-2008թթ. ընտրվել է Եվրամիություն-Հայաստան միջխորհրդարանական հանձնաժողովի անդամ, փոխնախագահ:

 

2008թ. հունիսին Հանրապետության Նախագահի հրամանագրով նշանակվել է ՀՀ ԱԳՆ սփյուռքի հետ կապերի պետական կոմիտեի նախագահ:

 

2008թ. հոկտեմբերի 1-ից Հանրապետության Նախագահի հրամանագրով նշանակվել է ՀՀ սփյուռքի նախարար:

 

Այլ տվյալներ

Հեղինակ է 5 գրքի և 40-ից ավելի գիտական աշխատանքների։ Իրավաբանական գիտությունների դոկտոր, պրոֆեսոր։ Դասավանդում է ՀՀ պետական կառավարման ակադեմիայում և Գավառի պետական համալսարանում։ Երևանի պետական համալսարանի, Երևանի Հերացու անվան բժշկական համալսարանի, Երևանի ճարտարապետության և շինարարության պետական համալսարանի, Խ.Աբովյանի անվան հայկական պետական մանկավարժական համալսարանի, Գավառի պետական համալսարանի խորհուրդների անդամ է:

Մի շարք հիմնադրամների հոգաբարձու է, Հայ-ամերիկյան առողջության կենտրոնի համահիմնադիր, Հայ կանանց միջազգային միության նախագահ։ Ստեղծել է երիտասարդական խորհրդարանը։ «Մեկ ազգ, մեկ մշակույթ» հիմնադրամի հոգաբարձուների խորհրդի նախագահն է:

Պարգևատրվել է պետական, շքանշաններով, մեդալներով, պատվոգրերով, Ֆրանսիայի Հանրապետության Նախագահի հրամանագրով՝ «Արժանիքի համար» շքանշանով։

Ճանաչվել է տարվա լավագույն կին, տարվա լավագույն պատգամավոր, լավագույն քաղաքական գործիչ։

2008թ. Հրանուշ Հակոբյանին շնորհվել է ՀՀ արտակարգ և լիազոր դեսպանի աստիճան։

 

2010թ. հունվարի 16-ին հաղթող է ճանաչվել «Իրավունք» թերթի սահմանած անվանակարգերից մեկում եւ պարգեւատրվել պատվոգրով` «2009 թվականին ազգային քաղաքականության ոլորտի լավագույն ներկայացուցիչ ճանաչվելու կապակցությամբ` Սփյուռքում հայապահպանության գործը լավագույնս կազմակերպելու համար»:

Պարգեւատրվել է Խ.Աբովյանի անվան հայկական պետական մանկավարժական համալսարանի «Խաչատուր Աբովյան» մեդալով` Հանրապետության գիտակրթական, մշակութային ոլորտի զարգացման, Սփյուռքում հայապահպանության գործում մեծ ներդրման, հայրենանվեր գործունեության համար:

Հայաստանի Հանրապետական կուսակցության անդամ է, ՀՀԿ գործադիր մարմնի անդամ։