Հայաստան-Սփյուռք համահայկական համաժողովներ

Հայաստանի Հանրապետության և Հայկական սփյուռքի համար կարևոր նշանակություն ունեցող հիմնախնդիրների լուծման գործում Սփյուռքի համակարգված մասնակցության ապահովման, Սփյուռքի գիտական, կրթական, տնտեսական, մշակութային և այլ ոլորտներում առկա ներուժի հայտնաբերման, համախմբման և արդյունավետ կիրառման նպատակներով կազմակերպվում են Հայաստան-Սփյուռք համահայկական համաժողովները, որոնք Հայաստան-Սփյուռք գործակցության կարևորագույն հանգրվան են դարձել:


Համաժողովներին Սփյուռքից մասնակցում են համահայկական և համայնքային կառույցների ղեկավարներն ու ներկայացուցիչները, հոգևոր կառույցների և նրանց թեմերի առաջնորդները, սփյուռքյան լրատվամիջոցների խմբագիրներ, գործարարներ, մշակութային գործիչներ, հայտնի անհատներ և այլք:


Համաժողովին ներկա են գտնվում Հայաստանի Հանրապետության և Արցախի Հանրապետության նախագահները, պետական բարձրաստիճան այրեր և հոգևոր առաջնորդներ:


Համաժողովի հանդիսավոր բացմանը օրհնության խոսքով են հանդես եկել Ամենայն Հայոց Կաթողիկոսը, Մեծի Տանն Կիլիկիո Կաթողիկոսը, Տանն Կիլիկիո Կաթողիկէ Հայոց Կաթողիկոս Պատրիարքը, իսկ Հայ Ավետարանական համաշխարհային խորհրդի նախագահը հանդես է եկել ելույթով:


Առաջին համաժողովը կազմակերպվել է 1999 թվականին: Այնտեղ առաջին անգամ սահմանվել են Հայաստանի և Սփյուռքի գործակցության զարգացման հայեցակարգերը, քննարկվել են ազգային շահերի, նպատակների ու խնդիրների համակարգված, միասնաբար առաջադրման և իրականացմանն առնչվող հարցեր: Սահմանվել են նաև Հայաստան-Սփյուռք համագործակցության սկզբունքները, Հայաստանի Հանրապետության դիրքորոշումը, ազգային առաջնային խնդիրներն ու դրանց լուծման ուղիները:


Երկրորդ և երրորդ համաժողովները կազմակերպվել են համապատասխանաբար 2002 և 2006 թվականներին:


Հայաստան-Սփյուռք երրորդ խորհրդաժողովի առանձնահատկությունը նախորդ երկուսի համեմատ այն էր, որ դրա ընթացքում քննարկվել է կոնկրետ գործնական խնդիր, այն է` Հայաստանի գյուղական համայնքների հատկապես սահմանամերձ, բարձրլեռնային և հեռավոր զարգացման ծրագիրը։


Նախորդ համաժողովներում հնչած հիմնական առաջարկություններից էր Հայաստանի Հանրապետության սփյուռքի նախարարության ստեղծումը:


ՀՀ սփյուռքի նախարարության ստեղծումից ի վեր նոր հարթակ տեղափոխվեց Հայրենիք-Սփյուռք գործակցության զարգացումը: Նախարարությունն ամփոփել է նախորդ երեք խորհրդաժողովի բոլոր նյութերը, հավաքել բոլոր հարցադրումները:


2008 թվականից, սփյուռքի նախարարությունը սկսեց աշխատանքներ իրականացնել բարձրացված հարցերին ընթացք տալու ուղղությամբ, դրանց մի մասը ներառված նախարարության տարբեր ծրագրերում:


Խորհրդաժողովներում հնչած առաջարկությունների հիման վրա ներդրվեց երկքաղաքացիության ինստիտուտը, ընդլայնվեցին մասնագիտական ընկերակցությունները, կազմակերպվեցին տարբեր մշակությաին միջոցառումներ, ըստ տարածաշրջանների կազմակերպվեցին կրթամշակութային ծրագրեր և այլն:


2011 թվականին կազմակերպվեց Սփյուռքի կազմակերպությունների ղեկավարների և ներկայացուցիչների համահայկական 4-րդ համաժողովը:


Համաժողովի աշխատանքներն ընթացան հետևյալ 4 ուղղություններով

  • «Լեզվի և կրթության հիմնախնդիրներ»,
  • «Երիտասարդության հիմնախնդիրներ»,
  • «Հայոց ցեղասպանության 100-րդ տարելիցին ընդառաջ` տարածաշրջանային հանձնախմբերի գործունեության մասին»,
  • «Հայաստան-Սփյուռք գործակցության զարգացման կառուցակարգերի մասին»:

2014 թվականին կայացած Հայաստան-Սփյուռք հինգերորդ համաժողովը նվիրված էր Հայոց ցեղասպանության 100-րդ տարելիցին, որին մասնակցում էին աշխարհի 50 երկրներում ձևավորված տարածաշրջանային գրեթե բոլոր հանձնախմբերի պատասխանատուները:


Համաժողովում ընդունված հայտարարությունում սահմանվեցին համահայկական առաջնահերթությունները

  • Հզոր և ապահով Հայաստանի կառուցում
  • Անկախ և անվտանգ Արցախ 
  • Կազմակերպված Սփյուռք 
  • Հայոց լեզուն՝ որպես հայապահպանության կռվան 
  • Հայոց ցեղասպանության 100-րդ տարելիցը 
  • Համախմբում Հայ եկեղեցու շուրջ
  • Արտակարգ իրավիճակներում հայտնված հայերի անվտանգությունը:

Համաժողովների ընթացքում մասնակիցների կողմից արված հարցադրումները և առաջարկությունները հավաքագրվում են, դրանք ըստ ուղղությունների և առաջնահերթությունների դասակարգվում են, կազմվում է դրանց իրականացման ժամանակացույց: Յուրաքանչյուր համաժողովին մասնակիցներին բաժանվում են նախորդ համաժողովում հնչած առաջարկությունների ուղղությամբ իրականացված աշխատանքների վերաբերյալ ամփոփ տեղեկատվություն:


Հայաստան-Սփյուռք 4-րդ և 5-րդ համահայկական համաժողովների ընթացքում Հայոց ցեղասպանության թեմային առնչվող բարձրացված հարցերն ու առաջարկությունները հանգամանորեն մշակվել են և իրականացվել Հայոց ցեղասպանության 100-րդ տարելիցի միջոցառումների շրջանակներում:


Մայիսյան հաղթական հերոսամարտերի և Հայաստանի առաջին Հանրապետության հռչակման 100-ամյակի նախաշեմին 2017 թվականի սեպտեմբերի 18-20-ը Երևանում անցկացվելու է «Փոխադարձ վստահություն, միասնականություն և պատասխանատվություն» խորագրով Հայաստան-Սփյուռք հերթական վեցերորդ համահայկական համաժողովը:

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Նոյեմբեր  >>
Երկ Երք Չրք Հնգ Ուրբ Շբթ Կրկ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30

ԲՐԱԶԻԼԻԱՅԻ ՍԱՆ ՊԱՈՒԼՈ ՆԱՀԱՆԳԻ

ՊԵՏԱԿԱՆ ՀԱՄԱԼՍԱՐԱՆԻ ՌԵԿՏՈՐ

ԴՈԿՏՈՐ-ՊՐՈՖԵՍՈՐ ՎԱՀԱՆ ՀԱԿՈԲՅԱՆԻՆ

 

Հարգարժա՛ն պարոն Հակոբյան,


Մեծ ուրախությամբ տեղեկացա, որ Սան Պաուլոյի Պետական համալսարանում կայացած ընտրություններում հաղթելու արդյունքում և նահանգապետի հրամանով նշանակվել եք հիշյալ հաստատության ռեկտոր:

24.10.2017  |  Ելույթներ

Գերապայծա՛ռ Տեր Լևոն արքեպիսկոպոս Զեքիյան,

Հոգևոր Հայրեր,

Հարգարժա՛ն գիտնականներ, ներկաներ,


Շնորհավորում եմ բոլորիս Սուրբ Ղազար կղզում Մխիթարյան միաբանության հաստատման 300-ամյա հոբելյանի կապակցությամբ, հոբելյան, որի մեկնարկը տրվեց այս տարվա սեպտեմբերին Մխիթարյան միաբանության Մայրավանքում և այսօր էլ շարունակվում է Մայր հայրենիքում: