ՀԱՄԱՀԱՅԿԱԿԱՆ, ՄԻՋԱԶԳԱՅԻՆ ԵՎ ԵԿԵՂԵՑԱԿԱՆ ԿԱՌՈՒՅՑՆԵՐԻ ՀԵՏ ԿԱՊԵՐԻ ՎԱՐՉՈՒԹՅՈՒՆ

Վարչության պետ` ԿԱՄՈ ԱՐԱՐԱՏԻ ՍԱՐԳՍՅԱՆ

Համահայկական եւ միջազգային կառույցների հետ կապերի բաժին

Պետ` Լուսինե Աշոտի Ստեփանյան

Հայաստանյայց Առաքելական Սուրբ եկեղեցու եւ այլ հոգեւոր կառույցների հետ կապերի բաժին
Պետ` Անահիտ Հովհաննեսի Դավթյան

Հեռ.` (010) 58-56-01 (1-15)
Էլ. փոստ` hmekv@mindiaspora.am


ՀՀ սփյուռքի նախարարության աշխատակազմի համահայկական, միջազգային եւ եկեղեցական կառույցների հետ կապերի վարչությունը համակարգում է համագործակցությունը Հայաստանի Հանրապետությունում Հայ Առաքելական Սուրբ Եկեղեցու եւ սփյուռքի, միջազգային հոգեւոր կառույցների հետ, Սփյուռքի հոգեւոր ոլորտում տեղի ունեցող իրադարձությունների հետազոտման ու վերլուծության աշխատանքները:

Վարչությունն իր նպատակների եւ խնդիրների իրականացման համար ՀՀ օրենսդրությամբ սահմանված կարգով եւ նախարարության կանոնադրության համաձայն իրականացնում է հետեւյալ գործառույթները`

-նախարարության այլ կառուցվածքային ստորաբաժանումների հետ համագործակցությամբ` համահայկական, միջազգային եւ եկեղեցական կառույցների վերաբերյալ ծրագրերի մշակում եւ հետազոտությունների իրականացում,

-Սփյուռքի հայկական համայնքների, եկեղեցական թեմերի, կազմակերպությունների հետ համապատասխան բնագավառում կապերի ձեւավորում եւ համատեղ ծրագրերի կազմում,

-վարչության գործունեության ոլորտին առնչվող խնդիրների վերլուծություններով, ծրագրային առաջարկությունների հիման վրա մասնակցություն տարեկան ծրագրային բյուջետավորման գործընթացին,

-Սփյուռքի հայկական համայնքների վերաբերյալ հետազոտությունների անցկացման, վերլուծության, խնդիրների եւ կարիքների բացահայտման, ծրագրային առաջարկների ձեւավորման շուրջ համապատասխան փաստաթղթերի կազմում եւ ներկայացում,

-նախարարության այլ վարչությունների հետ համատեղ` գաղթօջախներում քարոզչության ծրագրերի մշակում եւ իրականացում,

-Հայաստանյայց Առաքելական Սուրբ Եկեղեցու եւ Սփյուռքի հոգեւոր կառույցների հետ սերտ կապերի եւ համագործակցության ապահովում,

-համահայկական, միջազգային եւ եկեղեցական կառույցների ներկայացուցիչների ընդունելության, փոխադարձ այցերի, խնդիրների քննարկումների եւ ամփոփումների իրականացում,

-վարչության լիազորությունների շրջանակներում համահայկական, միջազգային եւ եկեղեցական կառույցների հայապահպան գործունեությանը, մշակութային ժառանգության պահպանմանը, զարգացմանն ու տարածմանն աջակցում,

-վարչության առջեւ դրված գործառույթներից եւ խնդիրներից բխող իրավական ակտերի նախագծերի, առաջարկությունների, եզրակացությունների, այլ փաստաթղթերի նախապատրաստում, ինչպես նաեւ այդ խնդիրների վերաբերյալ մեթոդական պարզաբանումների եւ ուղեցույցերի մշակման ապահովում:

Վարչության առաջիկա ծրագրերը

- Սփյուռքի հասարակական-քաղաքական կազմակերպությունների (կուսակցություններ, բարեգործական, մշակութային, կրթական և այլ կազմակերպություններ) և հոգևոր կառույցների (Հայաստանյայց Առաքելական Սուրբ Եկեղեցի, Հայ Կաթոլիկ Եկեղեցի և Հայ Ավետարանական Եկեղեցի) վերաբերյալ ուսումնասիրությունների իրականացում, համագործակցության ծրագրերի մշակում

- Սփյուռքում հայագիտական կենտրոնների, ամբիոնների գործունեության ուսումնասիրություն

- <Հայերն այսօր> էլեկտրոնային թերթին վարչության գործառույթներին առնչվող և գործունեությունը լուսաբանող նյութերի տրամադրում

- Սփյուռքի համայնքներում տեղի ունեցող հիշարժան իրադարձությունների վերաբերյալ տեղեկատվական նյութերի հավաքագրում և մշակում` <Հայկական Սփյուռք> 2010 տարեգրքի հրատարակման համար

- Սփյուռքի հայկական կառույցների և անհատների վերաբերյալ տեղեկատվության համալրում և ամբողջացում

- Հայ մեծ բարերարների վերաբերյալ ուսումնասիրությունների իրականացում` Հայ բարերարների պատվո ճեմուղու հիմնադրման նպատակով

- Հայաստանի բուհերի սփյուռքահայ շրջանավարտների հավաքի կազմակերպական աշխատանքների իրականացում, <Ազգային խորհրդի> և այլ համահայկական կառույցների ձևավորմանն ուղղված աշխատանքներին մասնակցություն: