Շնորհավորանքներ
Տիար Ներսէս Ներսոյեան,
Յարգարժան անդամներ Սուրիոյ Հայ Բարեգործական Ընդհանուր Միութեան,
Անգնահատելի է դարը ուսած ՀԲԸՄ-ի վարած ազգային քաղաքականութեան` ե՛ւ Սփիւռքի, ե՛ւ մայր Հայրենիքի մէջ` հայ ժողովուրդի բարօրութեան եւ բարգաւաճման, ինչպէս նաեւ հայ մշակոյթի պահպանման, հարստացան ու տարածման ի խնդիր:
ՀԲԸՄ-ը Սփիւռքի մէջ նեցուկ է ուսումնատենչ հայ ուսանողին, մտաւորականներուն, հոնարարն է հայկական դպրոցներուն, բալասանն է կարօտեալ հայ ընտանիքներու ցաւերուն: Հայաստանի մէջ ՀԲԸՄ-ը իր բոլոր ուժերը ներդրած է տարբեր ոլորտներու զարգացման` նպատակ ունենալով Հայաստան-Սփիւռք կապերու ամրապնդումով հզօրացնել Հայրենիքը եւ երաշխաւորել ազգի յարատեւումը:
Այսօր ՀԲԸՄ-ի Սուրիոյ մասնաճիւղը, որ մեծ դեր ունի սուրիահայութեան կեանքի մէջ, ինչպէս նաեւ շարունակական աջակցութիւն կը ցուցաբերէ մայր Հայրենիքին, նոյնպէս թեւակոխեց իր առաջին դարը։ Այս ուրախ առիթով ջերմօրէն կը շնորհաւորեմ Ձեր հզօր կազմակերպութեան իւրաքանչիւր անդամը, որ միութեան գործունէութիւնը գերադասելով իր անձնական կեանքէն, կը գործէ մեծ նուիրումով: Պօղոս Նուպար փաշայէն մինչեւ մեր օրերու Հայ Բարեգործական Ընդհանուր Միութեան նախագահներու հայրենասիրութեան օրինակն է, որ Ձեզ կը մղէ` լծուիլ ազգապահպանման սրբազան առաքելութեան:
Մենք անսահման շնորհակալ ենք, Սփիւռքի, Հայաստանի եւ Արցախի մէջ տարած Ձեր ազգանուէր գործունէութեան համար:
Համոզուած եմ, որ նոր դար կը մտնէք նոր տեսլականով, միասնական ճիգերով կը շարունակէք Ձեր միութեան ազգանուէր գործունէութիւնը ե՛ւ Հայաստանի, եւ Սփիւռքի մէջ:
Շնորհաւորելով ՀԲԸՄ-ի Սուրիոյ մասնաճիւղի հարիւր ամեակը` ուժ եւ կորով կը մաղթեմ Ձեզմէ իւրաքանչիւրին:
Շարունակեցէ՛ք Ձեր ազգանուէր անգնահետելի գործունէութիւնը` յանուն մեր ժողովուրդի բարոյական, հոգեւոր ու ազգային արժէքներու պահպանման, Հայրենիքի հզօրացման եւ Հայաստան-Սփիւռք կապերու ամրապնդման:
Խոր Յարգանքով,
երախտագիտութեան զգացումով
ջերմ սիրով`
ՀՐԱՆՈՅՇ ՅԱԿՈԲԵԱՆ
