Շնորհավորանքներ

ՄԵԾԱՀԱՐԳ ՀԱՅ ՏԱՏԻԿՆԵՐԻՆ, ՄԱՅՐԵՐԻՆ, ՔՈՒՅՐԵՐԻՆ, ԴՈՒՍՏՐԵՐԻՆ,

ԻՄ  ՍԻՐԵԼԻ ՀԱՅՈՒՀԻՆԵՐԻՆ

          Սիրով և ջերմությամբ եմ շնորհավորում Կանանց միջազգային օրվա` Մարտի 8-ի առթիվ, ցանկանում ձեզ  արևշատություն:

         Թող 2010 թվականի Մարտի 8-ն ավետի Հայուհու անձնական, ընտանեկան և անանձնական  գերագույն  երջանկության հաղթարշավը:  Ձեր իմաստուն և գորովագութ ներկայությունն  առանձնակի  ջերմություն և ամրություն է հաղորդում հայ ընտանիքներին և  հայ ինքնությանը:

Սիրելիներ, թող այս շենշող գարնանային տոնը բազմապատկի ձեր կենսական ուժերը և ձեր երջանկության կենսալիցքերը, որպեսզի դուք առավել նվիրումով ու սիրով իրականացնեք անձնական և ազգային պատմաբարոյական ձեր առաքելությունը` հայ սերունդներին փոխանցելով ազգային Ոգին, մեր Մեսրոպահանճար ու ոսկեղենիկ Մայրենին, հայրենասիրության առաքինությունը:

      Առողջ եղեք և շարունակեք ձեր կանացի իմաստնությամբ  աշխարհում ամրապնդել  Բարու և Լույսի տիրույթները:

Իմ քնքուշ, Նվարդաբարո  հայուհիներ,  ուրեմն, զորացեք հայ  ինքնության անխարդախ ուժով, զորացրեք հայ սերունդներին և ամրապնդեք Հայրենիք-Սփյուռք գործակցության ազգապահպան  կամուրջը և հայապահպանության  հոգևոր  զարկերակը:

Ձեզ հղում եմ Սեր, Երջանկություն, Ջերմություն, Ժպիտ և  Հայրենիքի դյուցազնաշունչ կենսուժը:

Ընդունեք իմ կողմից Ձեզ նվեր Արարատի վեհաշունչ  ու ջերմ պատկերը, Արագածի հազարահրաշք ծաղիկները և Արաքսի  մայրահամ շնչառությունը:

ԱՆԿԵՂԾ  ԲԱՐԵՄԱՂԹԱՆՔՆԵՐՈՎ`                                

ՀՐԱՆՈՒՇ ՀԱԿՈԲՅԱՆ