Շնորհավորանքներ

2017-07-11 00:00:00 | Շնորհավորանքներ
ՀՀ սփյուռքի նախարար Հրանուշ Հակոբյանի շնորհավորական նամակը ԱՐՓԱ ինստիտուտի 25-ամյա հոբելյանի կապակցությամբ

Մեծահա՛րգ պարոն Փանոսյան,

ԱՐՓԱ ինստիտուտի հարգարժա՛ն անդամներ,

Հարգելի՛ ներկաներ,


1992 թվականին, Հայաստանի Հանրապետության անկախության հռչակումից ամիսներ անց,  Հայաստանից աշխարհագրորեն շատ հեռու, բայց հայության համար մեծ կարևորություն ներկայացնող համայնքներից մեկում՝ ԱՄՆ-ում, մի խումբ արժանավոր հայորդիներ ստեղծեցին մի կառույց, որը, համախմբելով ամերիկահայ գիտնականներին, իր առջև նպատակ դրեց տարբեր ոլորտներում առկա ներուժի մեկտեղմամբ աջակցել Հայաստանում գիտական տարբեր ոլորտների զարգացմանը: Այսօր, ԱՐՓԱ ինստիտուտի ստեղծումից 25 տարի անց, կարծում եմ, կարող ենք արժևորել ու գնահատականներ հնչեցնել հիմնարկի անցած ուղու, գրանցած հաջողությունների ու դեռևս իրականացվող ծրագրերի մասին:


Հպարտությամբ պետք է արձանագրեմ, որ ԱՐՓԱ-ի գործունեության արդյունքները տեսանելի են այսօր, մանավանդ՝ Հայաստանում տեղեկատվական տեխնոլոգիաների, էներգաարդյունավետության, առողջապահության, գյուղատնտեսության ոլորտների զարգացման, ինչպես նաև Սփյուռքում կազմակերպված  սերմինարների ու դասընթացների միջոցով առկա ներուժի հայտնաբերման և մասնագետներին Հայաստանի հետ կապելու ուղղությամբ:


Վստահ եմ, որ ինստիտուտի գործունեության հաջորդ տարիները ևս լինելու են բեղմնավոր և նպաստելու են Հայաստանի Հանրապետության և Ամերիկայի Ամիացյալ Նահանգների առավել սերտ համագործակցությանը տարբեր բնագավառներում:


Շնորհակալ եմ ԱՐՓԱ ինստիտուտի հիմնադիրներին և բոլոր անդամներին, որ գտնվելով Հայրենիքից հեռու, մտահոգ են նրա խնդիրներով: Շնորհավորում եմ 25-ամյա հոբելյանի կապակցությամբ և մաղթում՝ բեղուն գործունեություն և նորանոր հաղթանակներ:


Բարին ընդ ձեզ, սիրելի՛ հայրենակիցներ։


Լավագույն մաղթանքներով՝

 

ՀՐԱՆՈՒՇ ՀԱԿՈԲՅԱՆ

 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Սեպտեմբեր  >>
Երկ Երք Չրք Հնգ Ուրբ Շբթ Կրկ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30

ՀԱԵ Վիրահայոց թեմի առաջնորդ, գերաշնո՛րհ տեր Վազգեն Միրզախանյան,

թբիլիսահայ համայնքի թանկագի՛ն հայրենակիցներ,

հարգելի՛ հյուրեր,

20.09.2017  |  Ելույթներ

Հարգելի ներկաներ,


Այսօր մեկնարկում է ՀՀ սփյուռքի և մշակույթի նախարարությունների հետ համատեղ իրականացվող «Նաիրի» համահայկական երաժշտական փառատոնը: