Համաժողովներ

Հայ Կաթողիկե եկեղեցու հաղորդակցության միջոցների 2-րդ համագումարը

Հուլիսի 15-ին Երևանում մեկնարկեց Հայ Կաթողիկե եկեղեցու հաղորդամիջոցների հանձնախմբի նախաձեռնությամբ և  ՀՀ Սփյուռքի նախարարության համագործակցությամբ կազմակերպված Հայ Կաթողիկե հաղորդակցության միջոցների 2-րդ համագումարը:


Բացման խոսքով հանդես եկավ Հայ Կոթողիկե եկեղեցու հաղորդամիջոցների պատրիարքական հանձնախմբի նախագահ, Հայ Կոթողիկե եկեղեցու Հայաստանի, Ռուսաստանի, Վրաստանի և Արևելյան Եվրոպայի թեմի առաջնորդ Հայր Ռաֆայել արքեպիսկոպոս Մինասյանը՝ համագումարի մասնակիցներին ներկայացնելով Մեծի Տանն Կիլիկիո Կաթողիկոս Արամ Առաջինի ողջույնի ուղերձը:


Հայր Ռաֆայել արքեպիսկոպոս Մինասյանը նշեց, որ այս համագումարը նպատակ ունի զարգացնել համագործակցությունը հայ համայնքներում գործող եկեղեցական հաղորդակցության միջոցների (ԶԼՄ-ների) միջև և մշակել կառուցակարգեր՝ նրանց աշխատանքը քրիստոնեական և ազգային արժեքների տարածմանն ու պահպանմանը լավագույնս ծառայեցնելու համար:


Մայր Աթոռ Սուրբ Էջմիածնի միջեկեղեցական հարաբերությունների բաժնի տնօրեն, Գերաշնորհ Տեր Հովակիմ եպիսկոպոս Մանուկյանը փոխանցեց մասնակիցներին Ն.Ս.Օ.ՏՏ. Ամենայն Հայոց Կաթողիկոս Գարեգին Երկրորդի ողջույնի ուղերձը նշելով,  որ համագումարն աննդախադեպ օրինակ է հայ հարանվանության պատմության մեջ, որի մասնակիցները միասնաբար ջանքեր պիտի գործադրեն Հայ Կաթողիկե հաղորդամիջոցների գործակցության զարգացման ուղղությամբ:


Համագումարի մասնակիցներին Հայ Կաթողիկե եկեղեցու Կաթողիկոս Պատրիարք Ամենապատիվ Տեր Ներսես Պետրոս ԺԹ-ի օրհնության գիրն ընթերցեց  Հայր Վարդան վարդապետ Գազանճյանը:


ՀՀ սփյուռքի նախարար Հրանուշ Հակոբյանը, ողջունելով և գործնական աշխատանք մաղթելով համագումարի մասնակիցներին, հայտնեց պետության անվերապահ աջակցությունը բոլոր հայանպաստ նախաձեռնություններում:


Նախարարը նշեց, որ Հայոց Ցեղասպանոթւյան 100-րդ տարելիցի նախաշեմին կազմակերպված համագումարը պետք է օգտագործել որպես միջոց՝ ազգային խնդիրները աշխարհին կազմակերպված և լավագույնս ներկայացնելու ուղղությամբ:


Առանձնացվեցին երկու առանցքային խնդիրներ, որոնց պետք է անդրադառնա ցանկացած հայկական լրատվամիջոց. Հայոց Ցեղասպանության ճանաչման, դատապարտման, հետևանքների վերացման և Հայկական երկու պետությունների հզորացման հարցերը:


ՀՀ սփյուռքի նախարարը կարևորեց հայաստանյան և Սփյուռքի լրատվամիջոցների կողմից անդրադարձն այն պետություններին, որոնք արդեն ճանաչել են Հայոց Ցեղասպանությունը:


«Ցեղասպանությանը զոհ գնացած մարդկանց և նրանց ժառանգներին անդրադառնալուց զատ, պետք է բարձրաձայնել նաև մեր մշակութային և հոգևոր կոթողների, եկեղեցիների ոչնչացման, արևմտահայերենի վտանգված լինելու, Թուրքիայում բնակվող ծպտյալ հայերի խնդիրների մասին, - նշեց նախարարը՝ հավելելով, - Պայքարելով հանուն Ցեղասպանության ճանաչման՝ պետք է հատուկ անդրադարձ կատարել Ցեղասպանությունը վերապրած հայերի ժառանգների կյանքի պատումներին»:


Նշվեց, որ բացահայտ է թուրքական հակահայկական քարոզչությունն ամբողջ աշխարհում, ուստի կարևոր է մեծ ուշադրություն դարձնել և խոսել այն թուրք մտավորականների մասին, ովքեր ճանաչել են Հայոց Ցեղասպանությունը, իսկ լրահավաք աշխատանքներ իրականացնելիս ճշգրտել տեղեկատվության աղբյուրը:


Նախարարը հավաստիացրեց, որ օտար լրատվամիջոցներում գործում են բազմաթիվ հայ լրագրողներ, որոնց ուժերն օգտագործելը մեծապես կօգնի Հայոց Ցեղասպանության մասին տեղեկատվությունն աշխարհի տարբեր երկրներում ճանաչելի դարձնելու գործում:


«Այսօր աշխարհում գործում են 78 հայագիտական կենտրոններ, որոնք նույնպես իրենց խոսքը պետք է բերեն Հայոց Ցեղասպանության ճանաչման և դատապարտման գործում, - նշեց նախարար Հ.Հակոբյանը, հավելելով,- Հայ Կաթողիկե հաղորդակցության միջոցների 2-րդ համագումարին մասնակցող բոլոր լրագրողներին հրավիրում եմ մասնակցելու սեպտեմբերին կայանալիք «Հայոց Ցեղասպանություն 100. ճանաչումից պահանջատիրություն» խորագրով լրագրողների համահայկական 7-րդ համաժողովին»:


Շնորհակալություն հայտնելով ՀՀ սփյուռքի նախարարին համագումարի աշխատանքներին բերած գործուն աջակցության համար՝ Հայր Ռաֆայել արքեպիսկոպոս Մինասյանը նշեց. «Կցանկանամ, որ Ձեր խրատները դառնան ատաղձ մեր համագումարի մասնակիցների համար»:


Համագումարի ընթացքում զեկուցումների ու քննարկումների միջոցով ներկայացվեցինն Հայ Եկեղեցու հովանավորությամբ գործող եկեղեցական ԶԼՄ-ների գործունեությունը, ինչպես նաև ՀՀ սփյուռքի նախարարության «Հայկական Սփյուռքի պատմության վիրտուալ թանգարան» կայքը:

Կցված նկարներ`

  
  
  
  
 

Սպասվող իրադարձություններ

 
 

Շնորհավորանքներ

 
 

Ելույթներ

 
<<  2017  >> <<  Դեկտեմբեր  >>
Երկ Երք Չրք Հնգ Ուրբ Շբթ Կրկ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ԲՐԱԶԻԼԻԱՅԻ ՍԱՆ ՊԱՈՒԼՈ ՆԱՀԱՆԳԻ

ՊԵՏԱԿԱՆ ՀԱՄԱԼՍԱՐԱՆԻ ՌԵԿՏՈՐ

ԴՈԿՏՈՐ-ՊՐՈՖԵՍՈՐ ՎԱՀԱՆ ՀԱԿՈԲՅԱՆԻՆ

 

Հարգարժա՛ն պարոն Հակոբյան,


Մեծ ուրախությամբ տեղեկացա, որ Սան Պաուլոյի Պետական համալսարանում կայացած ընտրություններում հաղթելու արդյունքում և նահանգապետի հրամանով նշանակվել եք հիշյալ հաստատության ռեկտոր:

24.10.2017  |  Ելույթներ

Գերապայծա՛ռ Տեր Լևոն արքեպիսկոպոս Զեքիյան,

Հոգևոր Հայրեր,

Հարգարժա՛ն գիտնականներ, ներկաներ,


Շնորհավորում եմ բոլորիս Սուրբ Ղազար կղզում Մխիթարյան միաբանության հաստատման 300-ամյա հոբելյանի կապակցությամբ, հոբելյան, որի մեկնարկը տրվեց այս տարվա սեպտեմբերին Մխիթարյան միաբանության Մայրավանքում և այսօր էլ շարունակվում է Մայր հայրենիքում: